Gelson Fernandes

Personleg informasjon
Fullt namn	Gelson Tavares Fernandes
Fødd	2. september 1986
Fødestad	Praia
Høgd	183 cm
Posisjon	Midtbanespelar
Klubbinformasjon
Noverande lag	Leicester (utlån)
Nummer	26
Ungdomsklubbar
1995-2004	FC Sion
Seniorkarriere*
År	Lag	Kampar (Mål)
2004-2007 2007-2009 2009- 2010-2011 2011-	FC Sion Manchester City AS Saint-Étienne Chievo (lån) Leicester (lån)	99 (1) 43 (3) 33 (0) 29 (2) 4 (1)
Landslag
2001-04 2008-	Sveits U21 Sveits	4 (0) 33 (2)
* Seniorklubbkampar og mål berre telt for nasjonal liga og oppdatert 31. august 2011 ‡ Landslagsmål oppdatert 31. august 2011

Gelson Tavares Fernandes (fødd 2. september 1986) er ein sveitsisk fotballspelar som hausten 2011 var på utlån til engelske Leicester City frå franske AS Saint-Étienne. Gelson Fernandes er syskenbarnet til den portugisiske fotballspelaren Manuel Fernandes.

Karriere

Som femåring flytte Fernandes saman med mor si frå Kapp Verde-øyane til Sitten i Sveits, der faren hadde fått arbeid. I 1995 tok han til å spela fotball på juniorlaget til FC Sion. I 2004 gjekk han over på fyrstelaget deira, og spelte 99 kampar for Sion før han signerte kontrakt med engelske Manchester City. Han blei i City i to sesongar før han skreiv under på ein toårskontrakt med franske AS Saint Étienne i 2009. Den 30. august 2010 vart det kunngjort at Fernandes vart lånt bort til Chievo Verona. Lånet kan omgjerast til kjøp.

På landslagsnivå spelte Fernandes 4 kampar for det sveitsiske U21-landslaget, og var kaptein i ein kamp. I 2007 gjekk han over i fyrstelandslaget, og har til no spelt 27 kampar for dei. Han vart teken ut til den sveitsiske troppen i Fotball-VM 2010 i Sør-Afrika, og skåra det einaste målet mot Spania. Kampen enda 1-0 til Sveits, til stor glede for sveitsarane. Diverre vart dette også det einaste målet Sveits skåra i meisterskapen. Dei vart slått ut i gruppespelet, medan Spania gjekk vidare til å vinna finalen.

Kjelder

• Tysk og engelsk wikipedia om Fernandes.