Slekta var tidlegare inkludert i maurfuglfamilien, Formicariidae.[1] Taksonomien til slekta er i stadig utvikling med tidgjengde skildringar av nye artar og omgjering av underartar til artstakson. Døme på det er utvikling av Grallaria rufula-komplekset[2] og andre som gav totalt 13 ekstra Grallaria-artar i åra 2020-2021.
Det feminine generiske namnet Grallaria stammar frå det moderne latinske grallarius: dei som går på styltar; mygg.[3]
Skildring
Kjempemaurpitta, Grallaria gigantea, foto frå Mindo, Ecuador
Foto: Francesco Veronesi
Fuglane i denne slekta er ei gruppe store maurpittaer med tydelege mønstre i fjørdrakta, dei framstår som runde i kroppsforma, med ekstremt korte halar og veldig lange bein. Kjønna er like. Dei måler mellom 14,5 cm og 24 cm i lengd. Dei minste: rustmaurpitta, G. rufula og rustmaurpitta, G. blakei, dei største: stormaurpitta, G. excelsa og kjempemaurpitta, G. gigantea.
Dei følgjer eit mønster av nyansar av brunt, raudbrunt og grått, og viser ofte ein eller annan type tverrvatring, skjelmønstre eller striper.
Grallaria-artane finst hovudsakleg i fuktige skogar og fjell, og når det største mangfaldet sitt i Andes. Dei er primært terrestriske, sjølv om hannar av nokre artar sit på låge greiner medan dei syng, og kan røre seg overraskande smidig og snøgt. Dei fleste er notorisk skjerre og lite iaugefallande, sjølv om nokre få artar, spesielt stripehovudmaurpitta, G. andicolus og okermaurpitta, G. quitensis, streifar meir i det halvopne. Alle maurpittaer er mest kjende for sine enkle, men attraktive songar, vanlegvis den første indikasjonen på nærværet deira.
Artslista
Her følger Grallaria-maurpittaer i rekkjefølgje etter IOC World Bird List V11.2, 2021,[4] med norske namn etter Norske navn på verdens fugler:[5]
Winkler, D. W., S. M. Billerman, og I.J. Lovette (2020). Antpittas (Grallariidae), version 1.0. I Birds of the World (S. M. Billerman, B. K. Keeney, P. G. Rodewald, og T. S. Schulenberg, red.) Cornell Lab of Ornithology, Ithaca, NY, USA. https://doi.org/10.2173/bow.gralla2.01
Referansar
↑Richard C. Banks, R. Terry Chesser, Carla Cicero, Jon L. Dunn, Andrew W. Kratttter, Irbrby J. Lovetttte, Pamela C. Rasmussen, J. V. Remsen, Jr., James D. Rising, Douglas F. Stotz, and Kevin Winker (2008). «Forty-ninth Supplement to the American Ornithologists' Union Check-list of North American Birds». The Auk125 (3): 758–768. doi:10.1525/auk.2008.9708. CS1 maint: Multiple names: authors list (link)
↑Gill F, D Donsker & P Rasmussen (Eds). 2021. IOC World Bird List (v11.1). doi : 10.14344/IOC.ML.11.1 Henta 7. mars 2021
↑Syvertsen, P. O., Bergan, M., Hansen, O. B., Kvam, H., Ree, V. & Syvertsen, Ø. 2020. Norske navn på verdens fugler. Norsk Ornitologisk Forening https://www.birdlife.no/fuglekunnskap/navn/