Haugesund stadion
Adresse	Karmsundggaten 169, 5522 Haugesund
Brukarar	Haugesund, Vard, Haugar, Djerv 1919
Underlag	Naturgras
Kapasitet	5200, men skal oppgraderast etter 2012 sesongen

Haugesund stadion er eit stadionanlegg i Haugesund som på folkemunne vert kalla «Gamlå». Banen har naturgras og blir brukt av Fotballklubben Haugesund. Tilskodarrekorden på ca. 17 000 vart sett 1. oktober 1961 i kampen mellom Sportsklubben Haugar og Steinkjer FK.^{[treng kjelde]} Før sesongen 2010 vart det sett opp flaumlys, mediefasilitetar og ein 28 m² stor TV-skjerm.

Supportarklubben Maakeberget held til på vestre ståtribune.

Løpebanen rundt vart fjerna hausten 2012 og grasmatta vart flytta inn til austre tribune og stod klar til seriestart 2013.

Styret i Stadionselskapet HKFKH AS har avgjort følgjande utbygging av Haugesund stadion:

• Gamle vestre tribune (576 seter) skal rivast og ny hovudtribune skal stå klar til 30. september 2013 (kapasiteten blir 2500 seter)
• Austre tribune (2254 seter) skal utvidast slik at han blir samanhengande langs heile langsida (dato og kapasitet ikkje avgjort)
• Nordre og søndre sving får nye tribunar. HFKH AS har kjøpt kortsidene til Sandefjord fotball og tribuneseksjonane skal vere installert til 2013 sesongen^[1]