Hege Riise | |
Statsborgarskap | Noreg |
Fødd | 18. juli 1969 (54 år) Lørenskog |
Idrett | fotball |
Tok del i | |
Utmerkingar |
Årets Kniksen, Kniksens hederspris, Idrettsgallaens hederspris |
Hege Riise (fødd 18. juli 1969) er ein norsk tidlegare fotballspelar og seinare -trenar frå Lørenskog som vart olympisk meister i 2000 og europameister 1995 med Noreg. I 1995 vart ho kåra til Årets Kniksen.
Riise spelte på Setskog-Høland til 1999, bortsett frå 1996-97 då ho gjorde teneste i japanske Nikko Securities. Med Setskog-Høland var ho med å vinne NM-cupen i 1992 og med Nikko vann ho både den japanske serien og cupen i så vel 1996 som 1997. I 2000-sesongen vart ho Asker SK-spelar og lukkast då sikre seg NM-tittel nummer to. Seint i 2000 fekk Riise kontrakt med Carolina Courage i USA, eit lag ho førte til nasjonal cuptriumf i både 2002 og 2003. Etter ho reiste heim til Noreg spelte ho på Team Strømmen i 2005 og 2006.
Midtbanedirigenten Riise spelte 188 landskampar på det norske landslaget i tida 1990-2004, og noterte seg for 58 skåringar. Særleg utmerkte ho seg under Fotball-VM 1995 i Sverige, der ho var ei førande kraft bak den norske sigeren og vart kåra til den beste spelaren i turneringa. Også i seinare internasjonale meisterskap var ho ein sentral spelar for Noreg, med ei framifrå evne som spelstyrar og pasningsleggar.
Riise hadde arbeidd for LSK i fleire år, før ho frå 2019 er ho lagsjef (sjefstrenar) i klubben.