Jarok | |||
Land | ![]() | ||
---|---|---|---|
Del av | Yana Bay Islands | ||
Folketal | 0 | ||
![]() Jarok 71°31′00″N 137°30′00″E / 71.516666666667°N 137.5°E |
Jarok (russisk Ostrov Jarok) er ei øy i Laptevhavet i republikken Sakha i Russland. Ho ligg utanfor munningen til elva Jana, berre nokre få kilometer mot aust.
Jarok er stor og flat og har mange små innsjøar, myrer og sandbankar. Ho er 38 km lang og opp mot 26 km brei.
Janadeltaet og kystområde som Jarok ligg utanfor, er eit omfattande våtmarksområde. Øya er utsett for det harde arktiske klimaet med mykje kulde og stormar. Lenger nord, i Janabukta, er havet islagd med tjukk is om lag åtte månader av året, så Jarok er stort sett landfast.
Området rundt Janadeltaet vart utforska av baron Eduard Toll og Aleksander von Bunge i 1892-1894 under ein ekspedisjon på vegne av vitskapsakademiet i St. Petersburg.