Keshorn Walcott | |
![]() | |
Statsborgarskap | Trinidad og Tobago |
Fødd | 2. april 1993 (31 år) Toco |
Yrke | spydkastar, friidrettsutøvar |
Høgd | 183 centimeter |
Keshorn Walcott på Commons |
Keshorn Walcott (fødd 2. april 1993) er ein trinidadsk spydkastar som vart olympiameister i øvinga under OL 2012 i London. med eit bestekast på 84,58 m.
Nittenårgamle Walcott sette personleg rekord med 80,11 m i mai 2012 under eit stemne i Havana. 1. juli forbetra han rekorden til 82,83 m i San Salvador. Han deltok så i verdsmeisterskapen for juniorar i Barcelona, der han vart meister med 78,64 m.
I kvalifiseringa til finalen i spydkast under sommar-OL 2012 kasta han 81,75 m og gjekk greitt vidare. I finalen sette han trinidansk rekord med 83,51 m og leia etter fyrste omgang. Han auka leiinga i andre omgangen med eit kast på 84,58 m. Ingen av dei andre finalekastarane klarte sidan å kaste lengre enn Walcott, nærast var Oleksandr Pjanytsja frå Ukraina som i tredje omgang var berre sju centimeter kortare enn Walcotts lengstekast.