År | Sultan |
1290 | Kaiumarth |
1290-1296 | Djalal al-Din Khaldji |
1296 | Rukn al-Din II |
1296-1316 | Ala-ed-Din Khaldji |
1316 | Shihab al-Din Khaldji |
1316-1320 | Qutb al-Din Khaldji |
Khaldjidynastiet (persisk سلطنت خلجی, også skrive Khalji og Khilji) var eit muslimsk dynasti i Delhisultanatet frå 1290 til 1320. [1][2][3] Det var det andre dynastiet i Delhisultanatet, etter Mamlukdynastiet.
Khaldjidynastiet var kjend for sine valdsame herskarar som erobra mykje av det indiske subkontinentet, og trengde langt inn i hinduområde i sør og vest.[1] Det stod også imot fleire forsøk på mongolske invasjonar av India.[4][5]
Dynastiet blei grunnlagd av Djalal al-Din Khaldji. Den mektigaste herskaren frå dynastiet var Ala-ed-Din Khaldji (1295-1315). Han tok Gujarat frå hinduherskarar, erobra Malwa og utvida riket sitt langt innover Deccan i sør. Etter at han døydde følgde nokre år med opprør og forvirring, før riket igjen blei samla for ei kort tid under det tyrkiske Tughlakdynastiet (1320-1414).