Kol er ei samnemning for brennbare sedimentære bergartar som inneheld karbon. Dei er svarte eller brunsvarte, og for det meste danna av planterestar.[1] Ufullstendig brend timber blir òg kalla kol. Kol har stor økonomisk verdi, og kolkraft blir mellom anna nytta i kraftverk (kolkraftverk).
I Noreg har ein særleg hatt kolgruvedrift på Spitsbergen. Kolet derifrå inneheldt stort sett lite svovel, og vart rekna for å vera av særs god kvalitet.[2][3]
Ei enkel grovinndeling av koltypane som finst deler dei inn slik:
Inndelinga av kol baserer seg på delen av flyktige bestanddelar, og varierer mellom ulike land.
Kolreservane i verda utgjer over 1 billion tonn. Det samla globale forbruket er på omkring fem milliardar tonn/år. Frå 1990 til 2006 gjekk forbruket i Europa ned 36 %. Reserver, forbruk (kring 2006) og venta forbruk i 2025 etter land/område:[4]
Område | Reserver % | Forbruk (mill tonn) | Venta bruk i 2025 |
---|---|---|---|
USA | 27 | 1094 | 1505 |
Russland | 17 | 251 | 288 |
Kina | 13 | 1531 | 3242 |
India | 10 | 431 | 736 |
Australia | 9 | ||
Sør-Afrika | 5 | ||
Europa1 | 1117 | 853 | |
Andre | 19 | 1016 | 1602 |
1Utanom Russland
Ordet «kol» er ofte blitt brukt for å visa til noko som er heilt svart, og er brukt i nokre namn, som Kolbein og Kolbjørn.