Kombinert (eigl. kortform av kombinert langrenn og skihopp) er ein vinteridrett som er sett saman av to delar, hopp og langrenn. Det blir rekna som ein av dei nordiske greinene.
I kombinert blir prestasjonane til utøvaren i dei to greinene blir vekta mot kvarandre for eit endeleg resultat. Som regel bruker ein Gunder-metoden, ved at ein hopper først, og deretter går eit jaktstartløp i langrenssporet der bestemann i bakken startar først.
Verdsmeisterskap og dei olympiske leikane føre andre verdskrig vart dominerde av nordmenn. Johan Grøttumsbråten, Thorleif Haug, Hans Vinjarengen og Oddbjørn Hagen var blant dei som vann mest. I nyare tid har Simon Slåttvik, Sverre Stenersen, Tormod Knutsen, Tom Sandberg, Fred Børre Lundberg og Bjarte Engen Vik vunne i OL. I verdensmeisterskapen dei siste åra kan ein nemna at Tom Sandberg vann i 1982, Torbjørn Løkken vann i 1987, Trond Einar Elden vann i 1989, Fred Børre Lundberg vann i 1991 og 1995 medan Bjarte Engen Vik vann VM i 1999 og i 2001.