Kong Haakon VII Hav | |||
hav | |||
Del av | Sørishavet | ||
---|---|---|---|
Kong Haakon VII Hav 67°S 20°E / 67°S 20°E | |||
Områdekart over Kong Haakon VII Hav.
|
Kong Haakon VII Hav er eit randhav i Sørishavet ved kysten av Aust-Antarktis.
Kong Haakon VII ligg mellom Weddellhavet og Lazarevhavet, og strekkjer seg langs Kronprinsesse Märtha Kyst frå Cape Norvegia ved 12°18'W, det austlegaste punktet i Weddellhavet, til Fimbul isbrem nær nullmeridianen ved 0°0', som vert rekna som den vestlege grensa til Lazarevhavet.
Frå eit norsk synspunkt, som ikkje anerkjenner Lazarevhavet, strekkjer Kong Haakon VII Hav seg langs heile kysten av Dronning Maud Land mellom 20 °V og 45 °A, eit stykke på kring 10 090 km frå Stancomb-Willsbreen ved 19 °W ved Kronprinsesse Märtha Kyst iv est til Shinnanbreen ved 44°38'E ved austgrensa av Kronprins Olav Kyst i aust.[1][2]
Havområdet er isdekt det meste av året. Om hausten dannar det seg pakkis som ikkje bryt opp før til våren.
Området er viktig for ross-selen (Ommatophoca rossii).[3][4]
27. januar 1820 vart russaren Fabian Gottlieb von Bellingshausen den første som oppdaga Terra Australis (Antarktis) då han segla i Kong Haakon VII Hav nær Fimbul isbrem ved Kronprinsesse Märtha Kyst.[5][6]
Området er kalla opp etter Haakon VII, den første kongen av Noreg etter unionen med Sverige var slutt.