Malstraumgalaksen (katalogisert M51 og NGC 5194) er ein vekselverkande spiralgalakse i stjernebiletet Jakthundane. Observasjonar av supernova SN 2005cs i Malstraumgalaksen i år 2005 har gjeve eit avstandsestimat på 23,4 millionar lysår.[1] Eldre estimat har gjeve avstandar på 31 og 37 millionar lysår.[2][3]
Malstraumgalaksen har ein mindre kompajonggalakse, NGC 5195, som har sett i gang stjernedanning i den større galaksen grunna gravitasjonspåverknaden han har.[4]
Malstraumgalaksen blei oppdaga i oktober i 1773 av Charles Messier medan han observerte ein svak komet.[3] Spiralstrukturen til galaksen blei først oppdaga av Lord Rosse i 1845, og galaksen blir av og til refert til som Rosse sin galakse.[5] Kompanjonggalaksen blei oppdaga i 1781 av Pierre Méchain.[3]
Malstraumgalaksen kan lett sjåast gjennom mindre teleskop.[4]