Maskinsjef (engelsk: chief engineer) er høgaste maskinoffiser og teknisk sjef ombord på skip, hovudsakleg ansvarlig for framdrift, hjelpemaskineriet ombord, vedlikehald av alt teknisk utstyr og elektriske installasjonar, ansvarleg for å planlegging av verkstadsopphold og leie utføringa. Maskinsjefen er rangert under kapteinen, og er leiar for alt maskinromspersonell.
Å løyse det høgaste maskinoffisersertifikatet M1 krev minimum 36 mnd effektiv fartstid etter endt eksamen noko som gjer det til den lengste maritime utdanninga.
Utdanning i Norge
Det er to måtar å ta utdanninga på:
Y-vegen
VG1 Teknikk og industriell produksjon (eitt år)
VG2 Skipsteknikk (eitt år)
Læretid ombord i skip som motormann (eitt år effektiv seglingstid, delast opp etter turnusordning)
Fagbrev som motormann (to dagar på godkjent tunglab)
Høgskole med bachelor- eller mastergrad i maritime ingeniørfag (tre år)
Seglingstid som maskinkadett. (eitt år eff. seglingstid)
Seglingstid som tredje- eller andremaskinist (eitt år eff. seglingstid)
Seglingstid som førstemaskinist (eitt år eff. seglingstid)
Kompetansen ein får i denne utdanninga gjer at ein kan arbeide med mange tekniske utfordringar på landbasert basis òg. Ein kan òg inneha dei fleste stillingane i dei ulike reiarlaga, med unntak av nokre som krev høgare økonomiutdanning.
