Minimumstemperatur er den lågaste temperaturen målt i løpet av eit tidsrom, som til dømes eit døgn eller ei natt. Det kan mellom anna målast med hjelp av eit minimumstermometer eller eit ekstremtermometer.
Den lågaste målte minimumstemperaturen nokon gong i Noreg er –51,4 °C, målt i Karasjok den 1. januar 1886. Den høgaste målte minimumstemperaturen i løpet av eit døgn i Noreg er 25,8 °C, målt på Alstadhaug 5. juli 1937. Ei natt med minimumstemperatur på 20,0 °C eller over vert i Noreg kalla ei tropenatt.
«Minimumstemperatur» i Store norske leksikon, snl.no.