Muharraq by | |||
مدينة المحرق | |||
by | |||
Muharraq med Manama i bakgrunnen
| |||
Land | ![]() | ||
---|---|---|---|
guvernement | Al Muharraq guvernement | ||
Koordinatar | 26°15′N 50°37′E / 26.250°N 50.617°E | ||
Folketal | 176 583 (2012)[2] | ||
Folketettleik | 32,9 / km² | ||
![]() Muharraq by 26°15′00″N 50°37′00″E / 26.25°N 50.616666666667°E | |||
Wikimedia Commons: Muharraq Island |
Muharraq (arabisk المحرق) er den tredje største byen i Bahrain og tente som hovudstad i landet fram til 1923, då han vart erstatta med Manama.[1][2]
Byen ligg på Muharraq og har lenge vore eit religiøst senter. Bahrain internasjonale lufthamn ligg òg på øya. Like ved Muharraq ligg dei kunstige Amwajøyane, kjend for store bygg, hotell og strender. Fotballaget i byen er Muharraq Club, som er den mest sukessrike fotballklubben i Bahrain. Byen er òg kjend for sin souq.
Muharraq har eit opphav som strekkjer seg attende til antikken, då han vart kalla Arwad. Det er funne spor her etter Dilmun-sivilisasjonen for kring 5 000 år sidan, men vart viktig i historisk tid under Tylos då Bahrain vart underlagd selevkidane, og Muharraq vart eit senter for ein heidensk kult dedisert til haiguden Awal. Innbyggjarane i byen, som livnærte seg av sjøfart og handel, dyrka Awal i form av ein stor statue av ein hai i byen.
På 400-talet evt. var Muharraq eit stort senter for nestorianistisk kristendom, som kom til å dominere sørkysten av Persiabukta. Som ei sekt vart nestorianarane ofte forfølgd som kjettarar av Austromarriket, men Bahrain var utafor kontrollen til dette riket og var derfor ein trygg stad. Namnet på fleire av landsbyane på Muharraq reflekterer denne gamle kristne arva, og Al-Dair tyder «klosteret» og Qalali tyder «munkeklosteret».
Byen vart erobra av portugisarane (1521) og persarane (1602), før Al-Muḥarraq kom inn under Āl Khalīfah-dynastiet i 1783 med resten av Bahrain.[3]
Gulf Air har hovudkvarteret sitt i Muharraq,[4] og Bahrain Air hadde tidlegare hovudkvarteret sitt her.[5][6]