Det finst seks naturreservat i Jordan. I 1966 vart organisasjonen som seinare skulle opprette naturreservat i Jordan, Royal Society for the Conservation of Nature, grunnlagd. RSCN var først involvert i å bevare alvorleg utryddingstruga artar. I 1973 fekk RSCN retten til å gje ut jaktløyve, slik at RSCN vart i betre stand til å hindre utrydding. Det første steget var å opprette det første naturreservatet i landet, Shaumari dyrereservat, i 1975. Hovudårsaka var å ale opp utryddingstruga artar, særleg arabisk oryx, gaseller, struts og persisk villesel i det naturlege miljøet deira.
I 1994, kort tid etter Dana biosfærereservat vart grunnlagd, oppretta RSCN ei avdeling for forsking og kartlegging. Det sjette og siste naturreservatet i Jordan, Dibeen skogsreservat, vart oppretta i 2004.[1]
I tillegg er det føreslått ni naturreservat til i Jordan, og ytterlegare to stader er kandidatar for bevaring.[2][3]
Reservat | Stad | Storleik | Oppretta | Merknad |
---|---|---|---|---|
Dana biosfærereservat | Sør og sentralt | 320 km² | 1993 | Største naturreservat i Jordan[4] |
Mujib naturreservat | Austkysten av Daudehavet | 220 km² | 1987 | Lågaste naturreservat i verda [5] |
Ajloun skogsreservat | Nordvest | 13 km² | 1988 [6] | |
Dibeen skogsreservat | Nordvest | 8,5 km² | 2004 | Nyaste og minste reservat i Jordan [7] |
Azraq våtmarksreservat | Nordaust | 12 km² | 1978 | Einaste våtmarksreservat i Jordan [8] |
Shaumari dyrereservat | Nordaust | 22 km² | 1975 [8] |