Palawanflugesnappar
Bilete frå byen Puerto Princesa, Palawan Foto: Carlo Benitez Gomez
Status
Status i verda: Sårbar
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Flugesnapparfamilien Muscicapidae
Slekt:	Ficedula
Art:	Palawanflugesnappar F. platenae
Vitskapleg namn
Ficedula platenae Blasius, 1888

Palawanflugesnappar (Ficedula platenae) er ein sky, lite synleg liten fugl i flugesnapparfamilien, og er endemisk for øya Palawan på Filippinane.

Skildring

Denne flugesnappararten har storleik typisk for slekta Ficedula, ca. 11,5 centimeter, men fjørdrakta er meir avdempa i fargene enn hos fleire andre Ficadula-artar. Oversida inkludert hovudet og gumpen er brunt til raudbrunt, halen er lysare oransje-raudbrun. Eit breitt område over brystet er òg oransje til raudbrunt. Elles er undersida lys brungul til kvit. Til forskjell frå det vanlege hos andre artar i slekta, er kjønna nokså like med berre små skilnader i farge på framhovudet.^[1]

Palawanflugesnapparar lever lågt i skogshabitat, opptil 1000 moh. Dei beitar insekt i klatrepalmar og bambus, opptil 10 meter over bakkenivå.^[1]

Populasjonen er estimert til å ligge mellom 6000 og 15 000 individ og er trudd å vere minkande. Arten er derfor klassifisert som sårbar.^[2]

Kjelder

Referansar

Bakgrunnsstoff

Commons har multimedium som gjeld: Palawanflugesnappar