Per Olav Kaldestad | |
Nasjonalitet | Norsk |
Statsborgarskap | Noreg |
Fødd | 26. juni 1947 (76 år) Husnes |
Yrke | Forfattar, lærar |
Periode | 1973- |
Born | Roald Kaldestad |
Debut | Kikkert |
Per Olav Kaldestad (fødd 26. juni 1947)[1] er ein norsk forfattar og organisasjonsmann.
Han er utdanna cand.philol. med hovudfag i engelsk, mellomfag i norsk og grunnfag i allmenn litteraturvitskap, og arbeidde som norsklærar på Stord lærarhøgskule fram til 1997. Han er no forfattar på heiltid, og er best kjend for barnebøkene sine. Kaldestad var også medredaktør av tidsskrifta Profil (1974–1975) og Basar (1979–1981). Tekstane hans spenner elles frå gammalengelske sonettar til ramsalt vestlandsk ferjekrim.
Per Olav Kaldestad har òg vore leiar av organisasjonen Norske Barne- og Ungdomsbokforfattere, og han har arbeidd for å fremje kunnskapen om norske barnebøker, mellom anna som medredaktør for Årboka for barne- og ungdomslitteratur, og som ei av eldsjelene bak biletboknettverket Ord & Bilde, saman med bibliotekar Bente Bing Kleiva.