The Royal Collection er kunstsamlinga til den britiske kongefamilien, og er den største private kunstsamlinga i verda.[1][2][3]
Samlinga omfattar over ein million gjenstandar.[4] Ho er fordelt i eit dusin noverande og tidlegare kongelege bustader over heile Storbritannia. Samlinga tilhøyrer monarken, nokre av dei som personlege eigedelar og nokre av dei som statsoverhovud.[5][6]
The Royal Collection inneheld over 7000 maleri, kring 150 000 verk på papir og dessutan historiske fotografi, veggteppe, møblar, keramikk, bøker og andre kunstverk. Samlinga er fysisk spreidd mellom ei rekke stader, der nokre, som Hampton Court Palace, er opne for allmugen og ikkje bebudde av kongefamilien, medan andre, som Windsor Castle, både er bustader og opne for allmugen. Nokre av verka er på bustader som ikkje er opne for allmugen, som Sandringham House. Buckingham Palace i London har utstillingar frå samlinga i fleire månader ad gangen. Det finst òg eit galleri ved Palace of Holyroodhouse i Edinburgh.