«Pretend» er ein popsong skriven i 1952 av Dan Belloc, Lew Douglas, Cliff Parman og Frank Levere.
Den mest kjende innspelinga, av Nat King Cole,[1] kom ut på Capitol Records og gjekk inn på Billboard Best Seller-lista den 31. januar 1953. Han låg 20 veker på lista og nådde tredjeplassen.[2] Han nådde òg andreplassen på UK Singles Chart i mai 1953. Cole spelte seinare inn songen i 1961 for albumet The Nat King Cole Story.
Innspelinga til Ralph Marterie kom ut på Mercury Records og nådde Billboard Best Seller-lista 7. februar 1953 på 16. plassen.[2]
Innspelinga til Eileen Barton kom ut på Coral Records og gjekk inn på Billboard Best Seller-lista 7. mars 1953 og nådde 18. plassen.[2]
På Cash Box-lista, der alle versjonane av songen vart kombinerte, nådde songen femteplassen i 1953.
Songen vart sidan spelt inn av Tab Smith, som nådde 89. plassen på Billboard-lista i 1957, og av Carl Mann som nådde 57. plassen på Billboard og 56. plassen på Cash Box i 1959.
Alvin Stardust sin versjon vart populær i Storbritannia i 1981 då han nådde fjerdeplassen på UK Singles Chart. Denne var i stor grad basert på utgåva til Carl Mann frå 1959.