Sorry Seems to be the Hardest Word Singel av Elton John frå albumet Blue Moves | ||
B-side |
«Shoulder Holster» | |
---|---|---|
Språk | engelsk | |
Utgjeve | 1. november 1976 | |
Innspelt | Eastern Sound, Toronto, Ontario, Canada | |
Sjanger | Softrock | |
Lengd | 3:48 | |
Selskap | Rocket Records MCA Records (US/Canada) | |
Komponist | Elton John | |
Tekstforfattar | Bernie Taupin | |
Låtskrivar(ar) | Elton John Bernie Taupin | |
Produsent | Gus Dudgeon | |
Elton John-kronologi | ||
«Don't Go Breaking My Heart» (1976) |
Sorry Seems to be the Hardest Word | «Bite Your Lip (Get Up and Dance!)» (1977)
|
«Sorry Seems to Be the Hardest Word» er ein song skriven av Elton John og Bernie Taupin. Han vart spelt inn av Elton John og utgjeven i 1976, både som singel og på albumet Blue Moves. Det var den andre singelen hans på Rocket Records. Songen er ein sørgmodig ballade om eit romantisk forhold som er i ferd med å falle saman. Det var òg ein av dei få songane der Elton John sjølv skreiv det meste av teksten. Normalt var det Taupin som skreiv teksten på John-Taupin-songane.
Songen var ein hitt i USA og Storbritannia og nådde 11. plass i Storbritannia og sjetteplass i USA. Songen selde til gullplate i USA i 1977.[1]
Songen vart òg gjeven ut på Greatest Hits Volume II året etter, men på grunn av opphavsrettsårsaker finst han ikkje lenger på noverande utgåver av dette albumet. Han finst no på Greatest Hits 1976-1986, The Very Best of Elton John og på Greatest Hits 1970-2002, samt fleire andre samleplater.
Songen vert òg nytta mykje i filmen Slap Shot frå 1977.
Region | Salstrofé | Salstal |
---|---|---|
Canada (Music Canada)[2] | Gull | 75,000^ |
USA (RIAA)[3] | Gull | 1 000 000^ |
*salstala er basert på sertifiseringa aleine |
Sorry Seems to Be the Hardest Word Singel av Blue med Elton John frå albumet One Love | ||
B-side |
«Sweet Thing» | |
---|---|---|
Språk | engelsk | |
Utgjeve | 9. desember 2002 | |
Sjanger | pop, R&B | |
Lengd | 3:41 | |
Selskap | Universal | |
Komponist | Elton John | |
Tekstforfattar | Bernie Taupin | |
Låtskrivar(ar) | Elton John, Bernie Taupin | |
Produsent | Stargate | |
Blue-kronologi | ||
«One Love» (2002) |
Sorry Seems to Be the Hardest Word | «U Make Me Wanna» (2003)
|
I 2002 vart songen spelt inn av det engelske gutebandet Blue for det andre studioalbumet sitt, One Love (2002). Songen vart spelt inn i samarbeid med Elton John og var den andre singelen frå albumet. Han gjekk til topps på UK Singles Chart den 15. desember 2002.
Vekeslister[endre | endre wikiteksten]
|
Årslister[endre | endre wikiteksten]
Sal og salstrofé[endre | endre wikiteksten]
|
Songen er spelt inn av mange andre artistar frå country til R&B.
I 1994 spelte countryartistane Suzy Bogguss og Chet Atkins inn songen. Eit år seinare spelte den argentinske artisten Pedro Aznar songen inn på spansk som «Ya no hay forma de pedir perdón».
I 1997 vart songen spelt inn av Steven Houghton.
Joe Cocker spelte inn songen for hyllestalbumet til Elton John/Bernie Taupin, Two Rooms: Celebrating the Songs of Elton John & Bernie Taupin i 1991. I 2004 vart det gjeven ut tre versjonar. Først av Ray Charles og Elton John i lag som ein «duett» på Charles-albumet Genius Loves Company, som kom ut etter han døydde. Det var ein av dei aller siste songane Charles spelte inn. Mary J. Blige spelte så inn songen for filmen Bridget Jones: The Edge of Reason. Kenny G spelte han så inn med Richard Marx for albumet At Last...The Duets Album.
I 2006 spelte saksofonisten Michael Lington inn songen for albumet A Song for You.[28][29]
Sarah Darling spelte in songen i 2001 for albumet Angels & Devils.