| Syagrius | |||
 | |||
| Fødd | ca. 430 | ||
|---|---|---|---|
| Fødestad | Lyon | ||
| Død | ca. 487 | ||
| Dødsstad | Augusta Suessionum | ||
| Rang | general | ||
Afranius Syagrius (fødd 430 og daud 486 eller 487) var son av Aegidius, den siste romerske magister militum per gallias, eller romersk hærførar i Gallia. Etter at Vestromarriket fall, heldt han ved like ein romersk enklave i Soissons og eigna ikring. Han rådde her som Dux frå faren døydde i 464 til han vart slegen av frankarkongen Chlodovech i 486.
Etter Slaget ved Soissons flydde Syagrius til visigotarkongen Alarik II i Toulouse. Her vart han teken og sett i fengsel, og snart etter overgjeven til Chlodovech. Etter det Gregor av Tours skriv, vart han drepen i løynd med kniv i 487.
Dei germanske stammene mintest han som «romarkongen». Han var den siste frie romerske hovdingen i Gallia.