Symreslekta (Anemone) er ei planteslekt i soleiefamilien. Ho omfattar rundt 200 artar som veks i tempererte område. Dei er nært i slekt med Hepatica og Pulsatilla, som nokre botanikarar meiner også bør reknast med til symreslekta.
Medlemane av slekta er fleirårige plantar med jordstengel. Ein krans med fem eller ofte seks (sju) kvite eller farga blomsterblad, og under dei tre grøne sveipblad som er flika og sit eit stykke nedanfor blomsteren. Dei har kort griffel.
Symrenamnet er blitt brukt om eit knippe vårplantar utan slektskap seg i mellom, og berre nokre av dei høyrer til symreslekta.