Thomas Finney (5. april 1922–14. februar 2014) var ein engelsk fotballspelar frå Preston. Han var aktiv for Preston North End i 14 ligasesongar til 1960. 1946-58 var han jamt i løparekka på Englands landslag. Han var både ein framifrå pasningsspelar og sikker avsluttar.

Finney var angrepsspelar på Preston frå 1946 til 1960. Bortsett frå dei to åra 1949-51 spelte laget i fyrste-divisjon. Preston og Finney kom to gongar på andreplass i ligaen. Våren 1954 nådde laget finalen i FA-cupen. På Wembley stadion i London måtte lagkaptein Finney sjå at West Bromwich sikra seg trofeet gjennom siger 3-2.

Finney fekk sin landslagsdebut 28. september 1946 mot Nord-Irland i Belfast, i lag med åtte andre engelskmenn. Her skåra han det fyrste av sine 30 landslagsmål for England. Sidan deltok han i VM i fotball 1950, 1954 og 1958, skåra til saman 2 mål i desse turneringane. I den siste av desse meisterskapane spelte han berre ein kamp, og 22. oktober 1958 spelte han på Wembley sin 76. og siste landskamp. Heile ti gongar var han med å vinne den britiske meisterskapen.

• Andreplass i den engelske ligaen: 1953 og 1958 med Preston
• Finalist i FA-cupen: 1954 med Preston