Tommy Cogbill | |||
Fødd | 8. april 1932 | ||
---|---|---|---|
Fødestad | Johnson Grove i Tennessee i USA | ||
Død | 7. desember 1982 (50 år) | ||
Dødsstad | Nashville i Tennessee i USA | ||
Fødenamn | Thomas Clark Cogbill | ||
Opphav | USA | ||
Sjanger | Soul, R&B, country | ||
Instrument | Bassgitar, gitar | ||
Verka som | Musikar, låtskrivar, plateprodusent |
Thomas Clark Cogbill (8. april 1932–7. desember 1982) var ein amerikansk R&B-, soul- og countrybassist, gitarist og plateprodusent.
Tommy Cogbill var fødd i Johnson Grove i Tennessee. Han var ein særs etterspurt studiomusikar og spelte på mange klassiske innspelingar i 1960- og 1970-åra, særleg frå Nashville, Memphis og Muscle Shoals. Han er omtalt som inspirasjon for mange bassistar, som Jaco Pastorius. Seint i 1960- og tidleg i 1970-åra arbeidde Cogbill mykje i American Sound Studio i Memphis[1] som produsent og so ein del av den faste rytmeseksjonen til studioet, kjend som The Memphis Boys.[2]
Ein av dei mest kjende innspelingane hans er basslinja på Dusty Springfield-hitten «Son of a Preacher Man» frå 1969, produsert av Jerry Wexler og Tom Dowd.[3] Andre store artistar han spelte inn med er King Curtis, Joe Tex, Elvis Presley, Aretha Franklin, Dobie Gray, Kris Kristofferson, J.J. Cale, Wilson Pickett (inkludert basslinja på «Funky Broadway»), Chuck Berry, Dolly Parton, Bob Seger og Neil Diamond.[4] Han spelte òg bass på King Curtis-singelen «Menphis Soul Stew»[5] i 1967.