Vegkryss er ein møtestad mellom to vegar som fører til at trafikk som går i ulike retningar må kryssa banane til kvarandre. For å gjera trafikken i vegkryss meir ordna kan ein bruka trafikklys, rundkøyring, fotgjengarfelt og liknande.
I folketru har vegkryss ei viktig tyding. Kryssa har vore brukte til å gravleggja utstøytte og kriminelle, særleg sjølvmordarar.[1] I andre tradisjonar kunne ein møta «ein svart mann», nokre gonger kalla Djevelen, ved vegkryss. Dette er særleg ein utbreidd tradisjon innan afroamerikansk kultur, som hoodoo og blueskultur.
