Venanzio Ortis | |
![]() | |
Statsborgarskap | Italia |
Fødd | 29. januar 1955 (69 år) Paluzza |
Yrke | langdistanseløpar |
Språk | italiensk |
Høgd | 178 centimeter |
Venanzio Ortis på Commons |
Venanzio Ortis (fødd 29. januar 1955) er italiensk tidlegare langdistanseløpar frå Paluzza i Udine-provinsen. Han vann gull og sølv på høvesvis 5000 m og 10 000 meter under friidretts-EM 1978.
Ortis vart italiensk meister på 10 000 m i 1976. Same sesongen deltok han på 5000 m under dei olympiske sommarleikane i Montreal og rauk ut etter kvalifiseringa. Han vart italiensk meister på 5000 m i 1977 og 10000 m i 1978.
Ortis overraska han stort med sine prestasjonar då europameisterskapen 1978 fann stad i Praha. Etter å ha fylgd finnen Martti Vainio heilt inn til mål på milløpet tok han sølvmedaljen på den italienske rekordtida 27.31,4. Ei veke seinare vart han europameister på 5000 m, etter å ha slått heile feltet i spurten. Vinnartida lydde på 13.28,57. Sveitsiske Markus Ryffel og Aleksandr Fedotkin frå Sovjetunionen fekk begge sølv, hakk i hæl på Ortis.
Etter å han vorte nasjonal terrengløpsmeister i 1980, kunne ikkje ein skadeplaga Ortis delta i Sommar-OL 1980 i Moskva. Den 9. september 1981 forbetra han den italienske 5000m-rekorden til 13.19,1 under eit stemne i Rieti.
Grunna skadar la han bort løpsskoa i 1983.