Vikna kommune | |||
kommune | |||
|
|||
Land | ![]() | ||
---|---|---|---|
Fylke | Trøndelag | ||
Adm.senter | Rørvik | ||
Areal | 318 km² | ||
• land | 310 km² | ||
• vatn | 8 km² | ||
Målform | nøytral | ||
Ordførar | Amund Hellesø (Ap) | ||
Kommunenr. | 5050 | ||
![]() Vikna 64°54′42″N 11°01′55″E / 64.911666666667°N 11.031944444444°E | |||
Wikimedia Commons: Vikna | |||
Nettstad: www.vikna.kommune.no |
Vikna kommune er ein tidlegare norsk kommune i Trøndelag fylke. Kommunen låg på kysten nord for fjorden Folda, og grensar til Flatanger i sør, til Nærøy i aust og til Leka i nord. Han bestod av i underkant 6000 øyar, holmar og skjer. Den største tettstaden og administrerande senter i kommunen var Rørvik som ligg på Inner-Vikna. Vikna og Nærøy kommunar blei slått saman til Nærøysund kommune den 1. januar 2020.
Det høgste punktet i kommunen var Vattafjellet på 173 meter over havet. Vikna hadde den lengste kystlinja i Noreg på 2460 km.[1]
Lauvøya og dei tre største øyane i den tidlegare kommunen er knytte saman med bruer via fylkesveg 770. Lokal flyplass, Rørvik lufthamn, Ryum, ligg sør på Inner-Vikna. Hurtigruta stoppar ved Rørvik.
Vikna var den største fiskerikommunen i Nord-Trøndelag, med mykje fiskeopprett og dei største mottaka av fisk i fylket. I nyare tider har fisket gått litt tilbake medan jordbruket har auka. Vikna har litt industri som i hovudsak er basert på fisket.
Ein vindmøllepart ligg på Husfjellet og har ein årsproduksjon på 6 GWh i snitt.[2]