Zunyi er ein kinesiskbyprefektur i provinsen Guizhou i det sørlege Kina. Folketalet vart i 2004 berekna til 401 000.
Folket i Zunyi er i hovudsak hankinesarar, men 36 minoritetsgrupper er òg representerte, mellom dei tujia-, miao- og gelaofolka.
Zunyi ligg sentralt i eit turistsøkt området i det nordlege Guizhou, og er ein av dei viktigaste historiske og kulturelle sentera i provinsen.
Byen har fått mykje industri: Metallurgi, kraftverk, bygningsmaterialar og matvareindustri. Byen er òg vorte kalla eit kommunikasjonsknutepunkt.
Administrative eningar
Zunyi omfattar to bydistrikt, åtte fylke, to autonome fylke og to byfylke:
Bydistriktet Honghuagang (红花岗区), 595 km², 500 000 innbyggarar, sete for lokalregjeringa
Bydistriktet Huichuan (汇川区), 709 km², 320 000 innbyggarar
Fylket Zunyi (遵义县), 4104 km², 1,15 millionar innbyggarar
Fylket Tongzi (桐梓县), 3190 km², 660 000 innbyggarar
Fylket Suiyang (绥阳县), 2566 km², 510 000 innbyggarar
Fylket Zheng'an (正安县), 2595 km², 590 000 innbyggarar
Fylket Fenggang (凤冈县), 1883 km², 420 000 innbyggarar
Fylket Meitan (湄潭县), 1845 km², 470 000 innbyggarar
Fylket Yuqing (余庆县), 1630 km², 280.000 innbyggarar
Fylket Xishui (习水县), 3128 km², 670 000 innbyggarar
Det autonome fylket Daozhen for gelao- og miaofolka (道真仡佬族苗族自治县), 2156 km², 320 000 innbyggarar
Det autonome fylket Wuchuan for gelao- og miaofolka (务川仡佬族苗族自治县), 2773 km², 430 000 innbyggarar
Byfylket Chishui (赤水市), 1.801 km², 300.000 innbyggarar
Byfylket Renhuai (仁怀市), 1788 km², 600 000 innbyggarar
Historie og turisme
Det kinesiske kommunistpartiet har byen på lista over sine «raude pilegrimsmål» ettersom byen var åstad for eit viktig møte for polibyrået til Den raude arméen under revolusjonsåra, under «den lange marsjen» i januar 1935. Som møtestad nytta dei den katolske kyrkja i byen.
I 1953 omgjorde regjeringa kyrkja til eit minnesmerke til Mao Zedongs ære, og huset han hadde budd i vart òg renovert.
Denne artikkelen treng referansar for verifikasjon. Du kan forbetra artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningane/påstandane som treng kjeldebelegg ved å tilføya ((tr)) etter påstanden.