Eune dent est eune duthe structuthe dans la bouoche dé tchiques manniéthes d'annima tch'est faite sèrvi pouor gaffer, g'dachi, et mâtchi l'mangi. Y'a d's annimaux tchi font sèrvi lus dents pouor la d'fense, et les d'fenses d'un êléphant sont des manniéthes espéciales dé dent.
Les dents ès gens
Les mousses ont 20 dents d'lait. Les dents d'grand' pèrsonne appathaîssent entré l's âges dé 6 et 12, en génétha. Les grand' pèrsonnes ont 28 dents, mais les dents d'sagesse appathaîssent en génétha auprès l'âge dé 20 ans (i' peuvent tréjous rester muchies).
