Bascoat
Euskal Herria (eu)
Bandièra de Bascoat Armas de Bascota
Administracion
Capitala	Pampalona 42° 52′ N, 1° 55′ O
Geografia
Vila principala	Bilbao
• Totala	20 947 km²
Punt culminant	Mesa de los Tres Reyes (ca)
Demografia
• Totala	3 193 513 ab. (2020)
• Densitat	153,02 ab./km²
Gentilici	Basc, Basca; Basco, Basca
Autras informacions
Indicatiu telefonic	+34 (Espanha) +33 (França)
Fus orari	UTC+01:00
Domeni internet	.eus

Lo Bascoat,^[1] lo País Basco, tanben lo País Basc (Euskal Herria en basco), es un país istòric del sud-oèst d'Euròpa de lenga e cultura bascas. Se parteja entre los dos estats de França (part del departament dels Pirenèus Atlantics) e d'Espanha (part de la Comunautat Autonòma Basca e de la Comunautat Forala de Navarra). Lo gentilici es basco -a o basc -a (o fòrça rarament bàscol basca).

Lo Bascoat a sèt províncias istoricas o tradicionalas (en basc lurraldeak), tres al nòrd e quatre al sud. a. Dins lo Nòrd (en basco Iparralde), partida situada en França, en sus la mapa

• Labord (en basco Lapurdi);
• Sola (en basco Zuberoa);
• Bassa Navarra (en basco Nafarroa Beherea)/

b. Dins lo Sud (en basco Hegoalde), partida situada en Espanha:

• Comunautat Forala de Navarra (Nafarroako Foru Erkidegoa en basc) en rog sus la carta
• dins la Comunautat Autonòma Basca:
  • Biscaia (en basco Bizkaia);
  • Guipuscoa (en basco Gipuzkoa);
  • Alaba (en basco Araba).
    • Treviño o Trebiñu es una enclava en Alaba qu'aperten oficialament a la region de Castelha e Leon e a la província de Burgos. Una part de la populacion e dels elegits locals e tanben los movements basquistas considèran qu'es una part del Bascoat, donc demandan son incorporacion a la província d'Alaba.

      

Vilas principalas bascas
Bilbao Vitòria Pampalona St. Sebastian		Vila	Herrialde (Region)	Popolacion			Vila	Herrialde (Region)	Popolazione	Barakaldo Getxo Irun Portugalete
	1	Bilbao	Biscaia	355.731		11	Basauri	Biscaia	42.657
	2	Vitòria	Alaba	239.562		12	Errenteri	Guiposcoa	39.315
	3	Pampalona	Alaba	197.932		13	Anglet	Labord	37.934
	4	St. Sebastian	Guiposcoa	186.185		14	Tudèla	Alaba	35.429
	5	Barakaldo	Biscaia	100.061		15	Leioa	Biscaia	30.454
	6	Getxo	Biscaia	80.770		16	Galdakao	Biscaia	29.049
	7	Irun	Guiposcoa	61.006		17	Sestao	Biscaia	28.959
	8	Portugalete	Biscaia	47.856		18	Durango	Biscaia	28.226
	9	Santurtzi	Biscaia	47.076		19	Eibar	Guiposcoa	27.396
	10	Baiona	Labord	44.506		20	Biàrritz	Labord	26.828

La lenga basca (autonim: euskara [aguts̺ˈkaɾa]) es una lenga paleoeuropèa parlada al País Basc, valent a dire dins de zònas geograficas situadas al nòrd d'Espanha (País basc espanhòl Hegoalde: region de Navarra e region autonòma Comunautat de País Basc) e dins l'extrèm sud-oèst de França (Iparralde, País Basc francés, dins lo departament de Pirenèus Atlantics).

Lo basc es una lenga ergativa-absolutiva e en aquò diferís de totas las lengas indoeuropèas, qu'an un alinhament nominatiu-acusatiu. La sola lenga amb la quala lo basc a una parentat establida es la lenga aquitana atudada. Los glottologues, pel mejan de la tecnica dicha de reconstruccion intèrna, an temptat de reconstituïr una lenga proto-basca, pasmens, puèi que las donadas actualament en possession an pas encara permés de descobrir l'origina d'aquelas lengas, lor grop lingüistic familial es considerat coma isolat e sens ligam amb cap d'autre grop lingüistic.

Lo lexic basc es compausat majoritàriament de mots d'origina desconeguda, mas tanben de manlèus de sos vesins: compòrta de mots derivats del latin, de l'espanhòl e del gascon.

1. ↑ Del latin *uasconicātus (cf. lo navarrés e l'espanhòl ancian bascongado).

v · m Províncias tradicionaus deu Bascoat
País Basc deu Nòrd Iparralde	Baisha Navarra • Labord • Sola
País Basc deu Sud Hegoalde	Comunautat Autonòma Basca (en malva): Alaba • Biscaia • Guipuscoa Comunautat Forala de Navarra