| Distiliador | |
|---|---|
 Metung a karaniwang distiliador a gewa ning Craftsman
| |
| Pamitinduk-tinduk (Classification) | Kasangkapang gamat |
| Uri | Lon ya ing chart king lalam |
| Makaugne | Hex key Liabi |
Ing distiliador (screwdriver king Ingles, destornillador king Castila), metung yang kasangkapan a gagamitan ba lang ipalub o isingit ampong talikan, o lubakan la ampong ilako, deng torniliu. Iti bibilugan ne ning buntuk o sepu a yang tutumpak king torniliu, metung a parti nung nu ya bibili ing torque kapamilatan ning pamandurut king sepu, ampong paralan ba yang ipuestu ampong talnan ing distiliador. Ing karaniwan a distiliador a pang-gamat, atin yang talanan a tela-silindru (cylindrical, katabas barilis o drum), a maki dagul ampong itsurang ustung talnan ning gamat ning tau, ampong metung a pakabang tangke (shaft) a makatuglung king talanan. Makayagpang ya ing tabas ning kayang sepu ba yang mipagiu king metung a uri ning torniliu. Uli ning talanan ampo ing tangke, maliari yang ipuestu ampong talnan ing distiliador, bangkanita, maliari yang magdalang torque potang idurut ya iti. Miyayaliwa la tabas deng distiliador, at maliari yang idurut ing sepu kapamilatan ning gamat, o ning motor a di kurienti o paganan ning aliwa pang uri ning enerhia.
Ing torniliu, atin yang buntuk a maki metung a uri ning tabas, bangkanita, nung gamitanan me king metung a uri ning sepu ning distiliador, a maki ustung puersang torque, midurut ya itang torniliu.
