Casalduni comune tagliàne | ||
---|---|---|
![]() | ||
| ||
State | ![]() | |
Reggione | ![]() | |
Provinge | ![]() | |
Coordinate | 41°16′00″N 14°42′00″E / 41.266667°N 14.7°E | |
Altitudine | 300 m s.l.m. | |
Superficie | 23,19 km² | |
Crestiàne | 1 492 (01.05.2009 [1]) | |
Denzetà | 65 cr./km² | |
Fraziune | Acquaro, Brendice, Capitorto, Casale, Cerconi, Collemarino, Collemastarzo, Crocella, Cuolli, Ferrarisi, Gentile, Lanzate, Macella, Pescomandarino, Pezzalonga, Piana, Prato, San Fortunato, Santa Maria, Tacceto, Vado della Lota, Vaglie, Zingolella | |
Comune 'nzeccate | Campolattaro, Fragneto Monforte, Ponde, Pondelandolfo, San Lupo | |
CAP | 82030 | |
Prefisse | 0824 | |
Codece ISTAT | 062015 | |
Cod. catastale | B873 | |
Nome javetande | casaldunise | |
Patrone | Madonne d'u Carmele | |
Sciurne festive | 16 luglie | |
Site istituzionale | ||
![]() | ||
Casalduni éte 'nu comune tagliáne de 1.492 crestiáne d'a Provinge de Benevende in Campania.
Sus 'a falde SW d'u monde Ciccio (400 m) e sus 'a destre d'u fiume Tammaro. Jè lundane da 'u capeluèche sue cchiù o mene 24 km.
Face parte d'a Comunitate mundane zone Tammaro Ierte.
Reggione Agraria n. 4 - Colline d'u Calore Irpinio 'nferiore.
Tène 'n'escursione altimetreche pare a 549 m.s.l.m. cu 'ma minime de 127 m.s.l.m. e 'na massime de 676.
'A superficie agricole sue ausate jè de 1.320,88 ettare (ha) aggiornate a l'anne 2000, date e cifre Camere de Commercio de Benevende, masce 2007.
Prodotte: uegghie, vine e pascole bbuene.
Faceve parte andicamende d'a Colonia telesine, cumme demostrane certe rinveneminde de iscriziune acchiate jndr'à 'u territorie sue.
Da 'u nome se penze ca in origgene ere 'nu casale relativamende recende e cchiù piccinne d'u paese de Ponde.
Sotte a le Normanne facìe parte d'a baronìe de Fenucchio, sotte a le Sveve a 'na Domina Sibilia de Casaltuno, sotte le Angioine a le Sus, a le Shabran, a 'u capitane De Attendolis, a le Caracciolo, a le Carafa, e sotte a le Spagnule a le Sarriano ca ne onne purtate 'u titele de conde 'mbonde a l'inizie d'u XX sechele.
'Mbonde a 'u 1811, facìe sembre parte d'u Pringipate Ultra e 'mbonde a 'u 1861 d'u Molise. Passò allore a 'a Provinge de Benevende.
Casalduni jè famose pe essere state, 'nzieme a Pondelandolfo e a Campolattaro, 'u 14 aguste 1861, tiatre de 'n'eccidie, perpetrate da l'Esercite piemondese cumme rappresaglie d'u massacre de 40 surdate e 4 carabbenire effettuate da cchiù o mene docinde brigande da 'u cerretese Cosimo Giordano. Pe vendette 'nu battagglione de 500 bersagliere cumandate da 'u colonnelle Pier Eleonoro Negri (future sinnache de Melàne) massacrò cchiù de 200 cetadine e destruggìe 'u paese incendiannele: 'nu sbuènne de femmene avenèrene stuprate apprime de essere accise e non ge furene consegnate date ufficiale sus a 'u numere totale de le muèrte d'a repressione[2][3]. Da fonde non ufficiale se penze ca le muèrte de stu massacre onne state cchiù de 2.000 cetadine.
Strage simile avenerene fatte pure a Scurcola Marsicana, Pizzoli, Isernia, Montefalcione.
A 'a strage 'u gruppe musecale de le Stormy Six ave dedicate 'na canzone ca se chiame probbie Pondelandolfo.
Abitande censite
Sinnache: Raimondo Mazzarelli (cendre) da 'u 30/05/2006