L'Ucraine (/uˈkraina/; jndr'ô ucraine Україна, Ukrajina/ukraˈjina/))) jè 'nu state (603.700 km², 46.958.740 crestiáne ad 'u 1º decèmmre 2005, capitale Kiev) de ll'Europe oriendale. Tène 'nu sbocche sus ad 'u Mar Gnure a sud e confine cu 'a Russie ad est, 'a Russie Vianghe a nord e cu Pulonie, Slovacchie, Ungherie, Romanie e Moldavie ad ovest.
L'Ucraine jè 'na repubbleche, 'u Presidende d'a Repubbleche de ôsce a die jè Petro Porošenko mendre 'u Prime Ministre jè Volodymyr Groysman.
'A lènga ufficiale jè l'ucraìne. Assaje diffuse jndr'à lle reggione oriendale jè 'u russe, ca jndr'à repubbleche autonome d'a Crimee jè pure lènga ufficiale. Jndr'à lle reggione occidentale 'nvece jè assaje diffuse 'u pulacche.
Sciugrafije
Pe approfondimende, 'ndruche 'a vôsce Sciugrafije de ll'Ucraine.
Carte orografeche de ll'Ucraine
L'Ucraine, cu le soje 603700 km² de grannèzze jè 'a seconne naziune cchiù granne d'Europe, nnande ad 'a Russie europee e d'apprìme ad 'a Frange metropolitane. 'U confine de ll'Ucraine cu lle otre statère jè longhe 4558 km, scucchiáte 'mbrà Russie Vianghe (891 km), Ungherie (103 km), Moldavie (939 km), Pulonie (428 km), Romanie (169 km a sud, 362 ad ovest), Russie (1576 km) e Slovacchie (90 km), oltre a le 2872 km de coste marittime.
'U paisagge ucraine conziste prevalentemènde jndre fertile chianure o steppe attraversate da assaje jume, 'mbrà cui 'u Dnepr, 'u Donec, 'u Nistro, e 'u Bug meridionale ca vonne ccu se scètte jndr'ô Mar Gnure e jndr'ô cchiù piccele Mar d'Azov. Jndr'à vanne sudoccidentale 'u delte d'u Danubie costituisce 'u confine cu 'a Romanie. Le picche catene monduose presende sonde le propaggene de le Carpazie, ad ovest, ('a cui cime cchiù ìrte jè 'u Hoverla (Goverla) cu 2061 m e le mundagne d'a penisole de Crimee.
Seconne le stime d'u 1887 de le scieografe austro-ungareche, 'a cetate ucraine de Rachiv (de coordinate 48°45′N18°55′E / 48.75°N 18.916667°E48.75; 18.916667) ha ddà esse 'u Cendre sciugrafeche de ll'Europe; ce stonne otre luèche conziderate cendre d'u continende, a seconne de lle studiuse e de le metode de mesuraziune ausate.
Jndr'à Ucraine 'a releggione prevalende jè quèdde crestiáne.
'A maggioranze d'a popolazzione d'u paise jè crestiáne ortodosse. Tuttavije, le ortodosse sonde scucchiáte jndre ttré giurisdiziune: 'a Chiese autonome ucraine-Patriarcate de Mosca, 'a Chiese Autocefale ortodosse d'Ucraine ed 'u Patriarcate de Kiev; quèste dò urteme chiesère non ge sonde recanosciute da lle chiesère ortodosse canoneche. Le cattoleche fàcene cápe ad 'a Chiese greco-cattoleche ucraine (ca combrenne pure eparchie al de fore de ll'Ucraine) ed ad 'a Chiese cattoleche ucraine (latine). Totte le battezzate cattoleche jndr'à Ucraine rappresendane 'u 7,43% d'a popolazzione, seconne statisteche cattoleche.[2] L'Ucraine ète 'u Paise de ll'Europe de l'est jndre cui le condraste 'mbrà ortodosse e cattoleche, nnande 'u squasciamènde d'u comunisme, honne purtate a lle maggiore tensiune. Protestande ète 'u 2.19% d'a popolazzione.
Sciugrafije polìteche
Suddivisiune
Leopoli
Pe approfondimende, 'ndruche 'a vôsce Suddivisiune de ll'Ucraine.
L'Ucraine jè scucchiáte jndre 24 reggione (область - òblast ad 'u plurale області - òblasti) e 'na repubbleche autonome (автономна республіка - avtonòmna respùblika), Crimea. Ce stonne pure dò cetate (місто - mìsto, plurale - міста - mistà), Kiev, Sebastopoli e ca tènene 'nu statute speciale.
Giuseppe D'Amato, Ukrajina in Il Diario del Cambiamento Urss 1990 - Russia 1993, Greco&Greco, Milano, 1998. pp. 130-136; L'inferno ucraino nel febbraio 1993 in Il Diario del Cambiamento, pp. 235-259. ISBN 88-7980-187-2.
Giuseppe D'Amato, Ucraina: il Paese dalle due anime in L'EuroSogno e i nuovi Muri ad Est, Greco&Greco, Milano, 2008, pp.77-160. ISBN 978-88-7980-456-1.
Almerico Di Meglio, L'Ucraina: culla della cultura slava orientale in Viaggio tra le rovine dell'ex impero sovietico. Ottobre -Dicembre 1991, edizioni Athena, Napoli, 2002, pp.169-196. ISBN 88-87665-16-8.
Giulia Giacchetti Boiko e Giulio Vignoli, L'olocausto sconosciuto. Lo sterminio degli italiani di Crimea, Settimo Sigillo, Roma, 2008 (storia della minoranza italiana di Crimea).
.svg)
.svg){kind=small}
.svg){kind=small}
.svg){kind=small}
.svg){kind=small}
