Italia

20 di frivaru

• Sanremu: La 61èsima edizzioni dû Festival dâ canzuni fu vinciuta di Robbertu Vecchioni.

15 di frivaru

• Milanu: Lu prisidenti dû cunsigghiu italianu, Silviu Berlusconi, è accusatu di cuncussioni e favuriggiamentu dâ prustituzzioni minurili e havi a cumpàriri l 6 di aprili davanzi ê giudici dâ curti di Milanu.

13 di frivaru

• Lampidusa: Nti l'ùrtimi jorna agghicaru circa 4000 extracumunitari nti l'ìsula dî Pilaggi.

Munnu

23 di frivaru

• Christchurch: Nu tirrimotu di magnitudini 6,3 curpìu l'isula dû sud dâ Nova Zilanna, facennu diversi dicini di morti e facennu sdirrubbari diversi palazzi e casi.

18 di frivaru

• Tripoli: Puru n Libbia diversi manifestazzioni di populu accuminzanu a riclamari nu canciu di cuvernu. La guida suprema dâ rivuluzzioni, Muammar Gheddafi cumanna lu paisi dû 1969.

11 di frivaru

• Lu Cairu: Doppu na para di simani di manifestazzioni â chiazza Tahir, Hosni Mubarak s'addimetti.

primu di frivaru

• Lu Cairu: Na manifestazzioni di circa un miliuni di pirsuni addumanna li dimissioni dû prisidenti egizzianu, Hosni Mubarak, chi cumanna lu paisi di na trintina d'anni.