Cuegghiè pò canciari libbiramenti qualegghiè pàggina di Wikipedia, usannu la tabbella "cancia". Allura si putissi pinzari, ca a causa d'atti di vannalismu, l'artìculi di bona qualitati putissiru èssiri prestu ruinati. Mmeci nun è accussì, pirchì nun vali propiu la pena danniggiari Wikipedia. Nfatti tutti li vecchi virsioni di tutti li pàggini vennu cunzirvati e pirciò cc'è sempri quarcunu chi sùbbutu aggiusta lu damaggiu. Pi vìdiri tutti li virsioni pricidenti di na pàggina abbasta taliari la tabbella "Storia".
Capisci puru ca li culligamenti a l'artìculi già prisenti ntâ Wikipedia sunnu diversi di dd'artìculi chi nun foru ancura scrivuti. Nizziari n'artìculu novu è un jocu di carusi, pirchî abbasta sèquiri unu dî culligamenti di sècunnu tipu.
Suppunemu ca vulemu mèttiri na brevi biografìa di nu scritturi sicilianu. Dunca jamu ntâ pàggina dî siciliani cèlibbri e doppu aviri cliccatu "Cancia" mittemu ntâ lista nu culligamentu pû scritturi chi ntiressa a nuàutri. Attivamu li canciamenti cliccannu supra "Sarva la pàggina". A stu puntu siquennu lu novu culligamentu, avemu sùbbutu na pàggina nova! Leggi cchiù avanti pi vìdiri qual'è la tècnica sèmplici pi criari lu culligamentu ôn artìculu, puru pigghiati asempiu dî tanti culligamenti già prisenti supra siciliani cèlibbri.
Oramai aviti caputu ca nta Wikipedia cci sunnu na serî di cumminzioni, assai fàcili di nzignàrisi, pi criari tìtuli, listi, culligamenti a artìculi nterni e puru a siti sterni, ecc. Ntâ tabbella succissiva vennu discrivuti brivimenti li cosi cchiù ùtili di sapiri:
Zoccu vuliti cunzari | Chiddu ca scriviti pi fàrilu |
---|---|
Eccu comu fari lu tìtulu di na parti: 'N capu[cancia la surgenti]Nova parti[cancia la surgenti]Suttaparti[cancia la surgenti]Suttasuttaparti[cancia la surgenti] |
= 'N capu = == Parti nova == === Suttaparti === ==== Suttasuttaparti ==== |
Eccu comu mìttiri 'n evidenza arcuni parti dû testu. grusseddu cursivu grusseddu cursivu Lu grusseddu veni usatu p'asempiu quannu ntôn artìculu s'ammuntua pâ prima vota la vuci di cui si discurri. |
'''grusseddu''' ''cursivu'' '''''grusseddu cursivu''''' |
Nota ca pi siparari un paràgrafu dû succissivu, abbasta ca lassa na riga janca tra li dui paràgrafi. Sta riga fa ancora parti dû primu paràgrafu. Ma cu sta riga accumenza nu paràgrafu novu. |
Nota ca pi siparari un paràgrafu dû succissivu, abbasta ca lassa na riga janca tra li dui paràgrafi. Sta riga fa ancura parti dû primu paràgrafu. Ma cu sta riga accumenza nu paràgrafu novu. |
A fari na lista è fàcili. Abbasta mèttiri n'astariscu prima d'ogni vuci:
Si ponnu fari puru listi nummirati
È puru pussìbbuli anniddari li punti:
|
È puru fàcili fari na lista. Abbasta mìttiri n'astariscu prima d'ogni vuci: * prima vuci, * sècunna vuci, * terza vuci ** juncennu astarischi si juncinu suttapunti *** accussì Si ponnu fari puru listi nummirati # cû sìmmulu "cancilleddu" ## assai facilmenti È puru pussìbbuli anniddari li punti: #prima vuci #*sècunna vuci |
Culligamentu a l'artìculu di Giacomo da Lentini: Nun è ubbligatu ca lu nomu di l'artìculu s'havi a vìdiri ntô testu dû lijami. P'asempiu: Forsi v'aviti già addunatu ca nta Wikipedia s'usa attivari spissu lijami di stu tipu. |
Lijami a l'artìculu supra Giacomo da Lentini: [[Giacomo da Lentini]] Nun è ubbligatu ca lu nomu di l'artìculu appari ntô testu dû lijami. P'asempiu: [[Wikipedia:Sandbox|Pàggina dî provi]] Forsi v'aviti già addunatu ca s'usa nta Wikipedia attivari culligamenti di stu tipu spissu. |
Lijami a situ sternu: Lijami a situ sternu "rinuminatu": |
Lijami a situ sternu: http://www.wikipedia.org [http://www.wikipedia.org] Culligamentu a situ sternu "rinuminatu": [http://www.wikipedia.org Wikipedia 'n tutti i wiki] PS: è mpurtanti nclùdiri lu prifissu http:// |
Li prucidimenti c'avemu discurrutu nta sta sizzioni nun sunnu ubbligatori, ma sunnu assai cunzigghiati pi facilitari la canuscenza tra li Wikipidiani e p'assuciari ognidunu lu sò nomu a li cuntribbuti chi si dùnanu vota pi vota a scn.Wikipedia. Pi junta, certi funzioni di wikipedia comu Upload e Spusta sunnu risirbati a li soci riggistrati.
Clicca supra lu link di "Riggistrati o trasiti" ntô menu 'n capu a manu dritta di la pàggina. Nsirisci lu tò nomu e scarta na password. Siddu lu fai pâ prima vota ti dumannamu di ripètirila pi cuntrollu ortugràficu. Putiti nziriri nu ndirizzu email (pi putiri utilizzari, p'asempiu, lu sirvizziu pi ricupirari la password). Finalmenti clicca supra "Create new account". Ogni vota doppu abbasta scrìviri lu tò nomu e password e clicca "Log in".
Pi cchiossai nfurmazzioni liggiti la pàggina Wikipedia:Comu riggistràrivi.
Asisti na pàggina pi fari li discussioni circa n'artìculu chi nun si fannu mudificari lu stissu artìcolu. Si pò editari na pàggina di Discussioni: (viditi: Wikipedia:Pàggina discussioni). P'asempiu sequi lu culligamentu Discussioni:Catania pi paraunari cu l'àutri utenti comu scrìviri megghiu la vuci Catania! Ci sunnu àutri prifissi risirbati, discurruti cchiù minutamenti aWikipedia:Namespaces.
Comu facemu a sapiri quali foru l'ùrtimi artìculi misi o mudificati? Artìculi chi pò èssiri ca hannu sbagghi e ch'è megghiu currìggirili sùbbutu, o puru mudìfichi di li nostri artìculi e chi nni pò fari piaciri rivalutari. A lu stissu modu pò èssiri puru ntirissanti lèggiri li novi discussioni chi nàscinu di vota 'n vota a dî diffirenti artìculi pi discùrriri supra pussìbbuli pirfizziunamenti... appuntu, Comu facemu?
La pàggina spiciali Ùrtimi Canciamenti, a cui putemu agghicari siquennu lu lijami dispunìbbuli nta ogni pàggina, è fatta appuntu pi chissu. Nta sta pàggina nfatti putiti truvari la lista di l'ùrtimi canciamenti 'n òrdini crunulòggicu cû nomu di l'auturi e spissu puru na nota curta. La nota è ùtili pi fari capiri a l'àutri Wikipidiani lu tipu di mudìfica o agghiunta chi si fici. P'èssiri siguru ca la nota accumpari abbasta jìnchiri la casella di lu testu marcata "Discrizzioni" a lu mumentu di lu canciamentu (prima di cliccari Sarva).
Pi cchiossai nfurmazzioni, putiti lèggiri la guida essinziali.
P'aviri nfurmazzioni supra suggetti di cui nun parramu cca poi, a qualegghiè mumentu fari rifirimentu a [ducumintazzioni ngrisa]. Teni comegghiè prisenti ca la maiuranza di chiddu chi voi sapiri lu liggisti già nta sta guida!
Pi scrìviri sùbbutu nu bon artìculu ti cunzigghiamu di navigari Wikipedia e di pigghiari asempiu dî megghiu artìculi scritti. Nta ogni casu nun èssiri tìmitu, e troppu priuccupatu di fari erruri. Nun t'affruntari. Chistu succedi a tutti e è la cosa cchiu bedda di Wikipedia pirchì prestu passa quarcunu pi currìggiri l'erruri. A picca la vota addiventa pi tia naturali usari nu stili bonu e poi vìdiri cu sudisfazzioni ca li pàggini c'accuminzasti s'arricchìscinu sempri cchiù cu cosi novi.
E arricùrdati: siddu propiu nun sai d'unni accuminzari a cullabburari, va a taliari l'elencu di li stub accuminzati. Lu trovi ccà, ntâ pàggina di signalazzioni di stu gèniri di vuci ca ancora nun sunnu sviluppati boni ma chi sunnu già prisenti nta Wikipedia, chi aspèttanu sulu di crìsciri e èssiri sviluppati. Macari nni poi truvari quarcuna cha ti pò stimulari a accuminzari l'attivitati di wikipidianu.
Hai vistu di sicuru ca la Wikipedia 'n ngrisi è ricchìssima d'artìculi e chi cci nni sunnu assai a bon puntu. Un modu simpàticu p'aviri sùbbutu quarchi cosa di scrìviri e fari la traduzzioni di n'àutru artìculu. Si canusci lingui diversi dû ngrisi, ancora megghiu, pirchì poi usari comu fonti li Wikipedìi scritti 'n tutti ddi lingui!