Sunday is the day o the week atween Setturday an Monanday, an the seicont day o the weekend in some culturs. It is thocht on as a haliday in kintras wi a Christian tradeetion, an is the day that Christians maist aften gangs tae the Kirk.

In the Gregorian calendar, nae century can stairt on a Sunday. In the Hebrew calendar, ae towmond can stairt on a Sunday. Ony month that begis wi a Sunday will hae a Friday the 13t in't.

The name Sunday

In Scots, Sunday comes fae Sunne, the Germanic sun goddess.[citation needit]

In the aforegane Jewish tradeetion Setturday is the sawbath.[1] Mony leids disnae hie sindert wirds for "Setturday" an "sawbath".[2] The Eastren Orthodox kirks maks a differ atween the sawbath (Setturday) an the Laird's day (Sunday). Roman Catholics pits sicna wee bit emphasis on that disteenction that mony amang them follaes — at least in iveryday langage — the Protestant practice o cryin Sunday the sawbath. Quakers tradeetionally cries Sunday the "First Day" eschewing the "heathen" oreegin o the name.[citation needit]

Poseetion athin the week

In mony kintras, includin the maist o Europe an Sooth Americae (but Brazil), Sunday is hauden tae be the hindermaist day o the week. In ithers, includin the Unitit States, it is seen as the first day, a tradeetional view that comes fae auncient Jews, Egyptians an the Haly Roman Empire. ISO 8601 defines Monanday as the first day o the week, makkin Sunday the sievent.[3]

Common Sunday Ongauns

Sunday is thocht on as bein haly amang maist Christians an aftentimes a day o rest an for gangin tae the kirk. Houiver, fae Friday gloamin tae Setturday gloamin is whan God made it a haly day o rest, Sawbath.

In orthodox Christian families an communities some activities isna duin, e.g. wirkin, daein somethin at needs anither body tae wirk sic as buyin guids or services (includin the uiss o public transport), drivin a caur, gairdenin, giein the caur a wash, etc. Some exceptions is alloud, an thay are makkin uiss o releegious services, an, for ordinar, uisin electricity, an urgent medical maiters.

In the Unitit States, perfaisonal fitba is for ordinar played on Sunday, tho Setturday an Monanday haes some professional gemmes an aw. Varsity fitba for ordinar gaes on on Setturday, an saicontary schuil fitbaw tends tae happen on on Friday. It isna uncommon for kirk-gangin tae muive on days whan a late mornin or early efternuin gemme is anticipatit bi a local commonty.

Aside thon in the United States, mony federal govrenment biggins is steekit on Sunday. Privately awned businesses tends tae close or is open for shorter periods o the day than on ither days o the week an aw.

Mony American an Breetish telly netwerks an stations braidcasts thair poleetical interview shaws on Sunday mornins an aw.

Mony American an Breetish daily newspapers sets furth a lairger edeetion on Sundays that aften haes colour comic strips in it, a magazine, an a coupon section.

Named days

Quotes

Fremmit airtins


References

  1. ↑ "Jewish religious year - The Sabbath | Britannica". www.britannica.com (in Inglis). Retrieved 23 Januar 2023.
  2. ↑ "The Etymology of 'Sabbath' | UCL Calendars in Antiquity and the Middle Ages". blogs.ucl.ac.uk. Retrieved 23 Januar 2023.
  3. ↑ "The Seven-Day Week". www.timeanddate.com (in Inglis). Retrieved 23 Januar 2023.
Categeries