Imba, umba kana mhatso (house) chivakwa chinogara vanhu pavanobikira, kudyira nokurara. Imba dzinokiwa nezvidhinha, mapango marata, huswa nezvimwewo zvinoshandiswa kuvaka madziro nekupfirira denga remba.
MuAfrica vazhinji vanovaka chidziro chemba nezvidhinha vachizopfirira denga racho nehuswa kana marata.
Kunyika dziri kuEurope neNorth America vanovaka dzimba dzemapuranga dzinova dzinodziya pane dzezvidhinha kunyika dzeko dzinotonhora. MuAfrica mapuranga anonyanya kushandiswa kuturika denga remba.
Dzimba dzinopatsanurwa nezvidziro mukati kuita Rhumu, Mupanda kana kuti Kamuri dzinoshandiswa zvakasiyana.
- Chengo, ukuri kana madziro (wall of house or room).
- Rukumbati (Wall). Genesis 49:22 Bhaibheri reChiNdau.
- Gumbi (eaves of house) kureva chikamu chedenga remba chinodarika pane madziro chichibatsira kukanda mvura kuti isaerera nemadziro. Izwi iri rinowanzotaurwa pahuwandu richinzi makumbi.
- Rusvingo kana masvingo (stone wall).
- Katungu kana chitsora zvinoreva musha uri kwawo wega kusina vamwe - isolated dwelling place.
- Inho (Grid) A grating of thin parallel bars, similar to a grid-iron. Zvichida ndipo panobva zita remhuri rinonzi Chinho??
- Guva kana pasi (Floor). Rovera guva nepuranga.
- Chikwauro (wooden plank for beating down floor).
- Dika (wooden beetle for beating floor).
- Ruvara zvinoreva nzvimbo iri kutanga kutemwa kuti musha uvakwe - new ground for building house.
- Chidza (1. A foundation, 2. A site prepared for building a house) apa kureva nheyo yemba kana ruvara rwatemwa kuti imba ichikawa.
- Dongo (abandoned house or homestead) kutaura musha usisina anogarapo, vanhu vakatama kana vakapera kufa.
- Mudza (1. Inaccessible place. 2. Space below raised building).
- Guva (Floor) kureva pasi pakagadzirwa nevhu kana samende muri mumba. Guva harichimbidzike kuwoma.