Die fjautienste Januoar is die fjautienste Dai fon dän gregorioansken Kalänner, somäd blieuwe noch 351 Deege (in Skaltjiere 352) bit tou dät Eende fon't Jier.
47 f. Kr.: In dän Alexandriensken Kriech slumpet do fereende Heere fon Gaius Iulius Caesar un Mithridates fon Pergamon tichte bie Alexandria ju Uurwinnenge fon ju ägyptiske Striedmoacht unner Köänich Ptolemaios XIII.. Ap ju Fljucht ätter ju Slacht ferdrinkt Ptolemaios in dän Nil.
1301: Mäd dän Dood fon Köänich Andreas III. stäärft in't Köänichriek Ungarn ju Dynastie fon do Árpáden uut.
1526: Franz I.
1526: Kaiser Koarl V. un die frantsööske Köänich Franz I., die ätter sien Fangennoame in ju Slacht bie Pavia ätter Madrid wai broacht wuuden is, sluute dän Free fon Madrid tou ju Be'eendigenge fon do Italieenske Kriege. Die Köänich fertichtet deer oane ap dät Köänichriek Nee'oapel un dät Heertoachdum Mailound un seekert tou, Burgund tourääch tou reeken. Man ätter sien Fräiläitenge ap dän 18. Meerte bräkt hie dän Ferdraach un sät mäd ju Liga fon Cognac ju [[Habsbuurichsk-Frantsöösken Juunsät|Uutnuursättenge mäd do Habsbuurgere] fout.
1659: In ju Slacht bie Elvas in dän Restauratsjoonskriech slumpet dät do Portugiesen, dät Foarsteeten fon spoanske Troppen ou tou weerjen.
1724: Philipp V.
1724: Fermoudelk apgruund fon Depressionen, rakt Köänich Philipp V. fon Spanien sien Boantje ou, sodät sin Suun Loudwich I. uurnieme kon.
1761: Do afghaniske Durrani uurwinne do Marathen in ju Trääde Slacht fon Panipat un uurnieme deermäd ju Moacht in Delhi. In wiedere Foulge is ju Swäkkenge fon dät Marathen-Riek goadelk foar do Briten, do in Indien ätter ju Moacht greepen.
1775: Ap ju Twäide Seeraise fon James Cook findt die Seemon Thomas Willis aan Archipel, die him tou Eere Willis-Ailounde naamd wäd.
1784: Die amerikoanske Kontinentoal-Kongräs ratifisiert dän mäd Grootbritannien uuthonnelden Free fon Paris, die dän Amerikoansken Uunouhongegaids-Kriech n Eende moaket.
1797: In ju Slacht bie Rivoli sätte sik do frantsööske Troppen unner Napoleon Bonaparte juun dät aastriekiske Korps unner Joseph Alvinczy von Berberek truch, dät keemen is, uum dät beleegerde Mantua tou hälpen. Mantua kapituliert kuute Tied ätters, un so wäd foar do Frantsoosen die Wai foar dän Marsk ätter Wien fräi.
Stoats-Rebät fon ju deensk-norweegiske Personoal-Union 1814
1814: Sweeden diktiert Deenemark, dät as Ferbuundeden fon Frankriek dän Säksten Koalitjsoonskriech ferlädden häd, dän Kieler Free. Deenemark unner Freerk VI. mout Norweegen oureeke, man hie duur Gräinlound, Ieslound un do Färöer uut ju Deensk-Norweegiske Personoal-Union behoolde.
1858: Foar ju Pariser Oper begunge n poor Ljuude uum Felice Orsini aan Bumben-Ounsleek juun ju ounkuumende kaiserdelke Woain-Kolonne, man Napoleon III. un Kaiserinne Eugénie blieuwe uunferseerd. Dät Attentat wäd die Gruund foar dän Bau fon een näi Opernhuus, ju Opéra Garnier.
1887: Die Rieksdai wäd aplöösd, ätterdät een Foarlääse fon ju Regierenge fon Otto von Bismarck, dät Heer uum 10 Prosänt aptoustokjen un dät Heeres-Gesäts uum soogen Jiere moor tou ferloangerjen, ouliend wuuden is. Ap dän 21. Februoar wäd een näie Rieksdais-Köär ouheelden.
1897: Matthias Zurbriggen slumpet ju Eerstbestiegenge fon dän Anden-Bierich Aconcagua, dän hoochsten Bierich fon Suudamerikoa.
1918: Uumdät ju Meel-Ratsjoon uum n Haaldeel ferminnerd wäd, lääse do Oarbaidere in do Daimler-Motoorenwierke in ju Wiener Näistääd hiere Oarbaid deel. Düssen Striek brangt Foart in dän aalmeenen Januoar-Striek, sodät ju Regierenge binne n poor Deege ju grootste Oarbaids-Deellääsenge in Aastriek-Ungarn juunuur stoant.
1919: In dän sonaamden Moort-Käller, ju as provisorisk Kijten bruukte Kredit-Boank fon Tartu wäide die evangeelske Theologe un Gäistelke Traugott Hahn, die Pestoor Moritz Wilhelm Paul Schwarz, die rusk-orthodoxe Biskop fon Riga, Platon Kulbusch, do orthodoxe Pestooren Michael Bleive un Nikolai Stefanowitsch Beschanizki, die Bakker Lutsk un 14 moor ounsäine Burgere truch Bolschewiki doodskeeten.
1930: Kommunisten uum Albrecht Höhler uurfaale dän Nasjonoalsosjoalist un SA-Mon Horst Wessel, die dän Täkst foar dät SA-Kampläid Die Fahne hoch ferfoated häd. Hie stäärft ap dän 23. Februoar oun een Skoat-Ferseerenge, ju hie deer bie oukriegen häd.
1943: Casablanca-Konferäns
1943: In Casablanca bigint een stilkene Touhoopekumst fon US-Präsidänt Roosevelt, dän britisken Premier Winston Curchill un do hiere Combined Chiefs of Staff tou ju Beräidenge uur ju fääregungende Kriechs-Fierenge in dän Twäiden Waareldkriech.
1953: Ministerpräsidänt Josip Broz Tito wäd in dät näi apgjuchte Boantje as Stoatspräsidänt fon Jugoslawien kädden.
1956: In Herleshausen kuume mäd ju Iersenboan do lääste oun, do uut sowjetiske Kriechs-Fangenskup ätter Huus wai kuume.
1963: Die frantsööske Stoats-Präsidänt Charles de Gaulle deelt bie een Prässe-Konferäns mee, dät hie aan stoalden Ientreeds-Oundraach fon dät Fereende Köönichriek tou ju Europäiske Wirtksups-Meenskup oulient. Sien Veto uurrasket ju EWG-Kommission un do fieuw uur Lid-Stoaten.
1980: Indira Gandhi loost Chaudhary Charan Singh as Premierminister in Indien ou, ätterdät hiere Kongräs-Paatäi in ju foaruutgeene Köär wunnen häd.
2005: Charles Graner wäd as Haud-Bedeeligeden bie dän Folter-Skendoal in't Abu-Ghuraib-Kitjen wilst ju Besättenge fon dän Irak ätter dän Irak-Kriech tou tjoon Jiere Kitjen feruurdeeld.
2011: Ätter do touniemende Massen-Protäste wilst ju Revolutsjoon in Tunesien ferlät Präsidänt Ben Ali fljucht-oardich sien Ljound in'e Gjuchte fon Saudi-Arabien. Die 14. Januoar jält sänt düt Geböärnis as amtelken Dai fon ju Revolutsjoon.
2015: Giorgio Napolitano, die alfte Präsidänt fon Italien lait apgruund fon sien Oaler dät Boantje deel.
Marcus Antonius, tou Waareld keemen in 86, 83 of 82 f. Kr., oubielded ap een Munte uut sien Tied
86, 83 of 82 f. Kr.: Marcus Antonius, roomsken Politiker un Fäildheer
38 f. Kr.: Nero Claudius Drusus, roomsken Fäildheer
1273: Johanna I., frantsööske Oadelige, Köäniginne fon Frankriek un Navarra, Groafinne fon ju Champagne
1477: Hermann V. fon Wied, Biskop un Kuurfüürst fon Köln, Füürstbiskop fon Paderborn; eerste juun ju Reformatsjoon, leeter sälwen Reformator
1507: Katharina fon Kastilien, spoanske Prinsässine, Äärts-Heertoaginne fon Aastriek un Köäniginne fon Portugal
1509: Katharina von Henneberg-Schleusingen, Groafin fon Schwarzburg
1622: Molière, frantsöösken Komödien-Dichter, Tjooter-Regisseur un Skauspieler (fermouded Doatum)
1648: Clara Elisabeth von Platen, Mätresse fon dän leeteren Kuurfürst Ernst August von Braunschweig-Lüneburg un Träidluukerske in ju Königsmarck-Affäre.
1656: Johanna Magdalena von Sachsen-Altenburg, saksiske Oadelige
1675: Karoline von Fuchs-Mollard, Jüfferske fon Kaiserin Maria Theresia
1716: Franz Dionys von Rost, roomsk-kathoolsken Biskop fon Chur
1751: Corona Schröter, düütske Sjungerske, Skauspielerske un Komponistinne
1767: Maria Theresia fon Aastriek, aastriekiske Äärts-Heertoaginne un Prinsässinne fon Saksen, nit tou ferwikseljen mäd glieknoomige Personen, t.B. hiere fuul bekoandere Bääsjemääme Maria Theresia (1717-1780)
1771: Christian Gottlieb Bruch, düütsken evangeelsken Pestoor
1773: Catherine Pakenham, britiske Oadelige
1800: Ludwig von Köchel, aastriekisken Jurist, Histooriker, Natuurfoarsker un Musik-Wietenskupper, bekoand truch dät Köchel-Ferteeknis foar W. A. Mozart sien Wierke.
1801: Adolphe Brongniart, frantsöösken Botaniker un Phytopaläontologe
1818: Zacharias Topelius, finlound-sweedisken Dichter un Skrieuwer
1834: Anton Birlinger, düütsken kathoolsken (eerste roomsk-, dan oold-kathoolsken) Pestoor, Theologe un Germanist
1835: Marcelo Spínola y Maestre, Äärtsbiskop fon Sevilla un Kardinoal
1892: Martin Niemöller, düütsken evangeelsken Theologe, wilst ju Nazitied eerste nit, man uurloang daach touniemend in dän Wierstound däidich, Fangenen in't KZ Sachsenhausen, ätter dän Kriech aktiv foar ju Ökumeenenske Bewäägenge un ju Free-Bewäägenge.