Franz Kafka (* 3. Juli 1883 in Prag, in düsse Tied bie Österreich-Ungarn; † 3. Juni 1924 in Kierling – däälich Stääddeel fon Klosterneuburg, Aastriek; säilden uk tsjechisk František Kafka) waas aan Skrieuwer. Uut een joodske Foamielje in Böömen stomjend, boalde hie fon Huus uut Düütsk, man hie kwad, dät hie ju Tsjechiske Toal ljauer liede moate. Truch Besäike in dät jiddiske Tjooter kreech hie uk tichteren Kontakt tou dät Jiddiske, deerfon hie eepenbeer begäisterd waas. Daach skreeuw hie ap Düütsk.
Sien Skrieuwen häd Ienfloude fon, monken uur, Franz Grillparzer, Heinrich von Kleist, Fjodor Dostojewski, Søren Aabye Kierkegaard, Friedrich Nietzsche, Siegmund Freud, un dät Juudendum. Kafka is bekoand foar ju spoukske Fäilenge in sien Wierke.