Die Hexameter is een Feersmäite mäd säks Hieuwengen, ju besunners wichtich waas in ju Dichtenge fon dät griechiske un roomske Oalerdum. Do säks Hieuwengen wäide däälich oafter leesen as säks betoonde Sälwen, man dät rakt Stämmen, do kweede, dät ju Betoonenge minner wichtich waas as do besunners ful klingende Vokoale an düsse Steeden. Ju Betoonenge mai wildääge heel uurs weesen hääbe.
Uk unner: Dichtenge
Hier aas een Biespil aan latiensken Hexameter - Ju Ienleedenge tou do Metamorphosen fon Publius Ovidius Naso (Ovid). Do Bitoonde Sälwen sunt fat. Waiwiesenge: "primaque ab" wäd boald as "primaquab".
In nova fert animus mutatas dicere formas
corpora; di, coeptis (nam vos mutastis et illa)
adspirate meis primaque ab origine mundi
ad mea perpetuum deducite tempora carmen!
Een gjucht fräie Uursättenge ap Seeltersk (dät dät ap dän Hexameter paaset) kon so klinge. Hier sunt do Hieuwengen as betoonde Sälwen tou ferstounden:
Wier tringet nu ins min Gäist, fon wonnelde Lieuwe tou tällen
Jie, Godde, reeket mie Stöän, dan Jie häbe him uk ferwonneld,
Stoundet mie uk hälpend bie, wäil fon dän Begin fon ju Waareld,
Bit ätter mien Tied uumtou, truchloopend aan Soang nu tou skrieuwen.