Jiepeke
Ne Jiepeke (Phylloscopus collybita) fon ju Nominatfoarm
Systematik
Oardenge: Passeriformes Unneroardenge: Sjungende Fuugele (Passeri) Familie: Sylviidae Sleek: Phylloscopus Oard: Jiepeke (Phylloscopus collybita)

Ju Jiepeke (Phylloscopus collybita) af luudmoalerisk die Tsälp-Tsalp, wät mäd dät düütske Woud "Zilpzalp" tou ferglieken is, is n Fuugel.

Ju Jiepeke sjucht so äänelk uut as ne uur Oard, Phylloscopus trochilus, ju mäd hier nai früünd is, un, as me an dän wietenskuppelken Noome sjucht, tou dän sälgen Sleek heert. Man me kon ju Jiepeke seeker mäd Hälpe fon ju Stämme ärkanne, ju, as al die uur Noome "Tsälp-Tsalp" kwäd, as "trrrrr-tsälp-tsalp-tsalp-tsälp-tsälp-tsalp-trrrr" klingt.
( Die Song fon ju Jiepeke ^?/i)
( Tou n Fergliek die Song fon ju äänelke Oard, Phyloscopus trochilus ^?/i)

Ju Jiepeke häd trjo Unneroarde:

• Ju Nominatfoarm (Phylloscopus collybita collybita) lieuwet in Europa, aastelk bit Polen un Bulgarien, noudelk häd ju sik sänt 1970 uutbreeded ätter Skandinavien, bienaist bit tou dän suudelken Raant fon dän Lieuwendsruum fon ju Unneroard Phylloscopus collybita abietinus [1]. Do maaste fljooge in Winterdai ätter dän noudelken Deel fon Afrikoa wai, af uurswain uum dät Middelmeer häruume.

• Ju Unneroard Phylloscopus collybita abietinus lieuwet in Skandinavien un Noud-Ruslound, bie Winterdai in dät suudaastelke Europa un in dät noudaastelke Afrikoa.

• Ju Unneroard Phylloscopus collybita tristis lieuwet in Sibirien, aastelk fon ju Äi Petschora (Kyrillisk: Печора). In Winterdai fljucht disse Unneroard ätter do läigere Deele fon dän Himalaya wai.

• 
  ju Nominatfoarm (P.c.c.)
• 
  ju Unneroard P.c. abietinus
• 
  ju Unneroard P.c. tristis
• 
  Spectogramme fon dät Luud fon do Unneroarde: Links ju Nominatfoarm, in ju Midde P. c. abietinus, gjuchts P. c. tristis.
• Jiepeke
• 
  Phylloscopus collybita collybita

Hier is die Lieuwendsruum fon disse Oard in ferscheedene Faawen, do anwiese, in wäkke Jierstied me dän Tsälp-Tsalp in n Gebiet fiende kon. Foar dän Lieuwendsruum fon do eenpelde Unneroarde sjuch in dän entspreekenden Apsats!

1. Broud in Suumerdai

2. Broudgebiet, n poor blieuwe deer uk bie Winterdai

3. Broudgebiet wier ju Oard oaber ook in Winterdai oafte blouked wäd

4. Bloot bie Winterdai deer

5. Hier sjucht me dän Fuugel bloot bie Winterdai un uk deer bloot in n Tuun, dät grootste Gebiet is deer oawers ne Wüüste, wier naan Tsälp-Tsalp jädden lieuwje wol.

• Eckart Pott un Jean C. Roché: Wer singt denn da? Weltbild-Ferlaach ISBN 978-3-8289-3443-6
• Journal of Avian Biology