Dät Middeloaler sunt do Jiere twiske 500 un 1500. Foar sowät 500 is dät Oalerdum, ätter sowät 1500 is ju näie Tied.

Unnerferdeelenge

• Foarmiddeloaler, antou dät 10. Jierhunnert
• Hoochmiddeloaler, begin 10. Jierhunnert bit uum 1250
• Leetmiddeloaler, 1250 bit uum 1500

Begin un Eend

In ju Renaissance duuket dän Noome 'Middeloaler' ap. Ju Renaissance waas ju Wiergebuurt fon dät klassiske Oaler, in Moaleräi as uk in ju Baukunst un ju Musik. Maastens lät me dät Middeloaler ounfange in dät Jier 500 un eendje in dät Jier 1500. Uur Begin- un Eendjiere sunt:

• Politisk begint dät Middeloaler in 476, die Eend fon dät Wääst-Roomske Riek.
• Die Begin fon ju Foulkewonderenge in 375.
• In dät Jier 312 wuude dät Kristendum toulät in dät Roomske Riek, un dät wäd uk wäil as Beginjier nuumen.

Uk foar dän Eend fon dät Middeloaler rakt et ferscheedene Jiere:

• Ju Äntdäkkenge fon Amerikoa in 1492.
• Die Eend fon dät Aast-Roomske Riek (Byzantiniske Riek) in dät Jier 1453.
• Die Eend fon dät Middeloaler is die Begin fon ju Renaissance.
• Ju Trännenge fon ju Protestantiske Säärke un ju Roomsk-Katoolske Säärke siet 1517.