Tarang (basa hormat: Taar; basa Indonesiana dahi; forehead dina basa Inggris), nyaéta bagéan tina awak manusa anu pernahna dina sirah, tarang mangrupa kulit anu di luhur jeung gigirna ngawates ku buuk anu jadi dina sirah, tarang diwangun ku tilu bagéan : dua tulang tangkorak jeung kulit sirah. Tarang beulah handapna diwates ku tulang anu ngajendul kaluar supraorbital, tayalian bagéan tulang tangkorak saluhureun panon (kongkolak panon). Beulah kénca jeung katuhuna diwates ku tulang temporal tayalian tulang anu ngaraketkeun supraorbital jeung koronal beulah luarna.[1][2]
Otot-otot anu aya dina tarang saeutik gedéna mangaruhan kana paroman atawa ''eksprési''. Dumasar kana panalungtikan gerakan otot dina tarang bisa mangrupa hiji basa isarat, anu bisa di kombinasikeun jeung gerak gerik anggota awak anu séjéna pikeun némbongkeun basa isarat anu tangtu. Otot-otot occipitofrontalis bisa nyingsatkeun halis, kénca, katu atawa dua duana, némbongkeun paroman reuwas, sedih, gumbira, jeung sajabana. Otot corrugator supercilii bisa ngagerakeun halis ka luhur jeung ka handap, ngébréhkeun paroman baeud atawa paroman hayang nyaho. Otot-otot procerus bisa ngagerakeun halis katengah dua duana.[3]
Subwidang umum dina biologi |
---|
Anatomi | Astrobiologi | Biokimia | Bioinformatik | Botani | Biologi sél | Ékologi | Biologi évolusionér | Genetik | Genomik | Biologi laut | Biologi manusa | Mikrobiologi | Biologi molekular | Asal-usul hirup | Paléontologi | Parasitologi | Fisiologi | Taksonomi | Zologi |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |