Ajira ya kudumu - (permanent employment) ni ajira ambayo mwajiriwa hana woga wa kuachishwa au kuacha kazi ila tu anapopigwa kalamu kwa sababu ya makosa yake, afikishapo miaka ya kustaafu au kuacha kazi kwa hiari yake. Waajiriwa wa kudumu hufuata ratiba fulani na wanaweza kuwa wafanyakazi wa mchana kutwa (full time employment) au wa masaa machache (part-time employee).[1]
Ajira ya mkataba - (contract employment) hii ni ajira ambayo mwajiriwa huajiriwa kufanya kazi fulani au kwa muda fulani na muda wake au kazi yake ishapo mkataba wake na mwajiri unaisha. Mwajiriwa wa mkataba huwa na uhakika, hawezi kuachishwa kazi kabla mkataba wake uishe, ila tu afanye makosa yasiyo weza kuvumiliwa. Pia yeye hawezi acha ile kazi kwa hiari bila kugharamia hasara yote inayoweza kutokana na kuvuja ule mkataba.
Ajira ya muda - (temporary employment) ni ajira ambayo mwajiriwa hufuata ratiba ya wafanyakazi wa kudumu lakini anaweza akaachishwa kazi wakati wowote. Mwajiriwa hana usalama wa kazi. Kibarua ni mfano wa ajira ya muda; ni ajira isiyo ya mara kwa mara na mtu huajiriwa tu kazi ipatikanapo na kazi ikiisha anaenda zake bila kujua kazi ingine itapatikana lini.
Ajira ya binafsi - (self employment) ni ajira ambayo mtu hujiajiri yeye mwenyewe kama vile wafanyabiashara.
Marejeo
↑Small Business Development Corporation. "Types of employment | Small Business". Small Business Development Corporation website (kwa Kiingereza). Iliwekwa mnamo 2018-07-18.
Makala hii kuhusu mambo ya uchumi bado ni mbegu. Je, unajua kitu kuhusu Ajira kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.
