Shirley Temple | |
---|---|
![]() Shirley Temple at ang dating Unang Ginang na si Eleanor Roosevelt noong 1938. | |
Kapanganakan | Shirley Temple[note 1] 23 Abril 1928 |
Kamatayan | 10 Pebrero 2014 Woodside, California | (edad 85)
Ibang pangalan | Shirley Temple Black |
Trabaho | Aktres |
Aktibong taon | 1932–1961 |
Asawa | John Agar (1945–1950, 1 anak) Charles Alden Black (1950–2005, 2 anak) |
Pirma | |
Si Shirley Temple (23 Abril 1928 – 10 Pebrero 2014) ay isang Amerikanang aktres at mananayaw, na naging tanyag sa pagiging batang atkres noong dekada 1930 at naglingkod bilang isang diplomatiko. Una siyang nakilala sa kanyang pagsayaw at pag-arte sa Stand Up And Cheer at sumikat ng husto sa papel ng isang ulila sa pelikulang Bright Eyes noong 1934.[1]
Pinanganak si Temple sa Santa Monica, California kay George Francis Temple (1888–1980), isang bankero, at Gertrude Amelia Krieger (1893–1977), na isang retiradong mananayaw.[2][3] Mayroon siyang dalawang kapatid, si Jack (1915-1985) at George Jr. (1919-1996).[3][4][5] Mahilig ang kanyang ina sa pagsayaw, at ito ang nagtulak kay Shirley sa pagiging isang artista. Palaging kasama ng aktres ang kanyang ina noong mga panahon bilang isang batang aktres. Si Gertude ang mismong nag-aasikaso sa mga damit ng kanyang anak at sa mga script na kanyang isinasaulo.
Pagkatapos ng kanyang pag-sabak sa pag-arte, naging aktibong kasapi si Temple ng Republican Party of California. Tumakbo siya noong 1967 bilang kinatawan ng ika-11 na distrito ng California ngunit nabigong makuha ang puwesto. Kinalaunan ay tinalaga siya ni Pangulong Richard Nixon sa ika-24 United Nations General Assembly, at naging misyong diplomatiko ng Estados Unidos sa Ghana (December 6, 1974 – July 13, 1976) sa ilalim ng panunungkulan ni Pangulong Gerald R. Ford.
Siya ay naging kaunaunahang Chief of Protocol of the United States (July 1, 1976 – January 21, 1977), at namahala sa panunumpa ni Jimmy Carter bilang Pangulo.[6][7] Nagsilbi din siya bilang misyong diplomatiko ng Estados Unidos sa Czechoslovakia (August 23, 1989 – July 12, 1992), sa ilalim ng panunungkulan ni President George H. W. Bush.[8]
Pumamaw si Temple sa edad na 85 taong gulang noong ika-10 ng Pebrero 2014.[9][10] Siya ay nasa kanyang tahanan sa Woodside, Kalipornya kasama ang kanyang mga ka-anak at tagapagalaga.
Academy Juvenile Award
Life Achievement Award
|
|
|
|
((cite book))
: CS1 maint: postscript (link)