Kamolon qabristoni | |
---|---|
Joylashuv | Shayxontohur tumani, Toshkent |
Turi | Qabriston |
Ochilish sanasi | XV asr |
Xarita | |
Koordinatalari | 41°30′51″N 69°23′02″E / 41.51417°N 69.38389°E |
Kamolon qabristoni — Toshkent shahrining Shayxontohur tumanining mashxur Kamolon mahallasida joylashgan qabriston[1]. „Bunyodkor“ shoh koʻchasi va „Samarqand-darvoza“ koʻchalari oraligʻidagi Kamolon koʻchasida, Milliy bogʻ metro bekati yaqinida joylashgan. Qabriston oʻz nomini oʻsha hududda joylashgan Kamolon darvozasi nomidan olgan[2].
Qabriston xalq orasida „Kamolon qabristoni“ nomi bilan mashxurdir. Qabriston XV asrda tashkil topgan. Maydoni 6,06 gektarni tashkil qiladi[1]. Qabristonda Xoʻja Alon Bordor maqbarasi joylashgan[3][4][5]. Bazi davlat hujjatlarida „Xoʻja Alon Bordor qabristoni“ nomi ham uchraydi[1]. Shuningdek, u yerda koʻplab taniqli oʻzbek madaniyat arboblari va adabiyot namoyandalari dafn etilgan. Jumladan, yozuvchi Abdulla Qodiriy, shoir Habibiy, dramaturg va shoir Xurshid dafn etilgan.
Qabriston Kamolon mahallasida joylashgan boʻlib, uning yonida Kamolon masjidi joylashgan. Qabristondan 600 metr uzoqlikda Oliy Majlis binosi joylashgan.
O‘zbekiston Respublikasi Vazirlar Mahkamasining 2018-yil 14-dekabrdagi 1014-sonli qarori asosida ushbu qabriston va shuningdek „Zax qabristoni“ hamda „Ko‘kcha Shayx Zayniddin“ qabristonining 2018—2020-yillarda sanitariya holatini yaxshilash, obodonlashtirish, aholi ziyorat qilishi uchun zarur shart-sharoitlar yaratish va qabristonning moddiy-texnika bazasini mustahkamlash maqsadida 144,0 mln. soʻm mablagʻ ajratilgan[1].
Toshkent shahrining qabristonlari | |
---|---|
Yunusobod tumani |
|
Mirzo Ulugʻbek tumani |
|
Olmazor tumani |
|
Shayxontohur tumani |
|
Chilonzor tumani |
|
Yakkasaroy tumani |
|
Sergeli tumani |
|
Mirobod tumani |
|
Bektemir tumani |
|
Yangihayot tumani |
|
Yashnobod tumani |
|
Uchtepa tumani |
|