Oktava (lotincha: octāva soʻzidan; „sakkizinchi“ degani) — musiqada bir tovush chastotasi ikkinchi tovush chastotasidan ikki marta katta boʻlgan interval. Oktava intervali diatonik tovushlar qatorida sakkizta pogʻonani qamraydi. Masalan, dodan keyingi dogacha, redan keyingi regacha va hokazo. Oktavaning belgisi 8 raqamidir. Biri ikkinchisidan bir oktavaga farq qilgan tovushlar odamga juda oʻxshash eshitlsa-da, bu tovushlarning balandligi har xil boʻladi.