| Ramones | |
|---|---|
 The Ramones | |
| Umumiy maʼlumot | |
| Kelib chiqishi | Nyu-York |
| Mamlakat |
 AQSh |
| Faoliyat yillari | 1974 - 1996 |
| Janr |
punk rock, Oi punk |
| Leybl |
Sire Records (1976–1992) Radioactive Records (1992-1996) Chrysalis Records (1992–1996) |
| Tarkib |
Joui Ramon (Joey Ramone) Jonni Ramon (Johnny Ramone) Di Di Ramon (Dee Dee Ramone) Tommi Ramon (Tommy Ramone) Marki Ramon (Marky Ramone) Si Jey Ramon (C.J. Ramone) Richi Ramon (Richie Ramone) Elvis Ramon (Elvis Ramone) |
| Vebsayt | www.ramones.com |
Ramones («Remounz») — amerikalik rok-guruh, pank-rokning ilk ijrochilaridan birlari, bu va alternativ rokning ko'pchilik boshqa oqimlariga ta'sir ko'rsatganlar.
1974-yil Nyu-Yorkda tashkil topgan. Uning tarkibiga: gitarachi Jonni Ramon (Johnny Ramone - haqiqiy ismi Jon Kammings; 1951-y. 8-oktyabrda t., Long-Aylend, Nyu-York, AQSH), basist Di Di Ramon (Dee Dee Ramone - haqiqiy ismi Duglas Kolvin; 1952-y. 18-sentyabrda t., Vankuver, Kanada), vokalchi Joui Ramon (Joey Ramone - haqiqiy ismi Jeffri Hayman; 1952-y. 19-mayda t. va barabanchi Tommi Ramon (Tommy Ramone - Tommi Erdeli; 1952-y. 29-yanvarda t., Budapesht, Vengriya)lar kirganlar. Keyinchalik, 1978-yilda guruh tarkibida o'zgarishlar ro'y berib, barabanlarga Marki Ramon (Marky Ramone - haqiqiy ismi Mark Bell) o'tiradi, 1989-yilda esa bas-gitarachi Di Di guruhni tark etadi va uning o'rniga Si Jey Ramon (C.J.Ramone - haqiqiy ismi Kristofer Jozef Vard) keladi. Guruhning barcha ishtirokchilari bir xil familiyani tahallus qilib olishadi - Ramon. Buning sababi, Pol Makkartnining mehmonhonalarda "Bitlz" guruhi ishtirokchilarini ro'yhatdan o'tkazayotganda Paul Ramone (yoki Ramon) ismini ishlatishi edi. "Bitlz" ularning ijodiga jiddiy ta'sir ko'rsatgan.
Ramones'ga shuhrat 1976-1977 yy.larda, pank-rokning namunalari bo'lgan qator albomlarni yozishganda keladi
1996-yil 6-avgust guruh faoliyatini 2263ta konsert o'tkazib tugatadi, musiqachilar yakkahon proyektlar bilan shug'ullanadilar. 2001-2004 yillarda to'rt asoschilardan uchtasi vafot etadi: Joui (15-aprel 2001, Nyu-York), Di Di (5-6 iyun 2002, Los-Anjeles) va Jonni (15-sentyabr 2004, Los-Anjeles).