El songun (선군?, 先軍?, Sŏn'gunLR), xe on prinsipio pulitego comunista de la Corea del Nord, che l'è conpagno al conceto del dito inglexe: "Military first", o sia "Prima l'exersito", chel mete l'Exersito Popolare de Corea insima ai afari de Stato, e chel vien prima de tuto anca in cuestion de schei nasionali. "Prima l'exersito", xe el prinsipio che guida la vita economega e pułitega del Paexe da la metà dei ani novanta, o sia da co xe scumisià el goerno de Kim Jong-il.
El songun eleva l'Exersito Popolare de Corea a na funsion ciave inte el goerno e inte la società nordcoreana e lo fa divegnere l'existensa pułitega de major grandesa drento del Stato[1] . Sta ideoloxia la influensa in maniera forte, no soło che la politega interna, ma anca le relasion estere de la Corea del nord.[2]