't Joar 1816 is 't 16e joar in de 19e êeuwe volgenst de christelyke joartellienge.
Krôonprins Willem van Oranje en grôothertoginne Anna PavlovnaKeunienk Willem I
Gebeurtenissn
februoari
21 - Krôonprins Willem van Oranje trouwt in Sint-Petersburg met de Russische grôothertoginne Anna Pavlovna, zuster van tsaar Alexander I van Rusland. Willem was in 1814 verloofd met de Britsche krôonprinsesse Charlotte Augusta, dochter van de loatere keunienk George IV. Zy verbrak de verlovienge en trouwde de 2de meie 1816 mè Leopold van Saksen-Coburg, de loatere keunienk Leopold I van België.
juli
3 - Keunienk Willem I accepteert d' heriprichtienge van d' Academie vo Weetnschappn en Lettern. D' academie wierd in 1769 ipgericht deur keizerinne Maria Theresia van Ôostnryk. Den 21e meie 1794, kort vo den intocht van de Fransche troepn, kwam d' academie vo 't latst t'hope.
september
25 - E keunienklyk besluut regelt d' iprichtienge van keunienklyke athenea in Brussel, Brugge, Maastricht, Dôornik, Noamn, Antwerpn, Luxemburg en van universiteitn in Leuvn, Luuk en Gent. De groendwet verlêent de keunienk 't exclusief recht vo 't oenderwys t' organiseern. Keunienk Willem I makt doavan gebruuk vo de basis te leggn vor e groendige hervormienge van 't oenderwys in de zuudelyke provinsjes van 't Verênigd Keunienkryk van de Nederlandn.
28 - De guldn vervangt de frang ols symbool en instrument van d' economische oenofhankelykheid van ’t keunienkryk.
